"Shuhet Mirush Kabashi", kolegët të hidhëruar nga lajmi: Tregoi se Shqipëria paska aktorë të kalibrit botëror

Aktori i njohur Mirush Kabashi është ndarë nga jeta këtë të martë.

Kabashi ka ndërruar jetë në moshën 75-vjeçare, pasi vuante prej disa kohësh nga një sëmundje e rëndë.

Lajmi i trishtë e ka bërë të ditur vetë familja e tij në një njoftim në Facebook-un zyrtar të aktorit.

Ndërkaq të shumta kanë qenë reagiment nga miqtë dhe kolegët e tij të clët janë të pikëlluar nga kjo humbje.

Në një lidhje live për News 24, aktorët janë shprehur se kjo është një humbje e madhe për kombin tonë.

Bujar Asqeriu: I vuri vulën madhështisë së tij me ‘Sokratin’

Aktori Bujar Asqeriu e përshkruan Mirush Kabashin si një aktor të rrallë tragji-komik, i cili i vuri vulën madhështisë së tij me figurën e “Sokratit”.

“Të gjithë u hidhëruam nga lajmi shumë i trishtë i ndarjes nga jeta të Mirush Kabashit.

Aktor i rrallë tragji-komik. Ai u shndërruar në një ikonë. Kabashi donte të vinte vulën me figurën e paharruar të “Sokrati”” u shpreh fillimisht ai.

Më pas ai tregon, momentet kur e ka njohur Kabashin, që daton herët në vitin 1979, gjatë xhirimeve të filmit “Radio Stacioni”.

Asqeriu shton se, Kabashi me interpretimet e tij të poezisë, padashur kthehej në një magjistar.

“Kabashin e kam njohur herët, kam luajtur në kinema edhe teatër. Vitet e fundit jem i shoqëruar shumë se merrnin pjesë në evente të poezisë. Ai në poezi ishte mbret.

Me tepër me bënte përshtypje, ai kudo që shkonte merrte fleshin për të vendosur muzikë. Ai padashur kthehej në një magjistar.

Unë e kam njohur që në 79. Në 79 luaja filimin “Radiostacioni” dhe Mirushi aty luajte rolin e një punonjësi të “Radiostacionit”. Unë aty e pash dhe kuptova se kush ishte Mirush Kabashi.

Mirushi na bëri krenar edhe në botë me figurën e “Sokratit”, tregoi se Shqipëria ka aktorë të nivelit botëror. Ka fituar çmime kudo që ka qenë” tha aktori.

Bratko: Shkëmb i madh në themelet e teatrit dhe kinemasë

Aktori Sotiraq Bratko ka shprehur ngushëllimet për ndarjen nga jeta të artistit të madh shqiptar në moshën 75-vjeçare.

Në një postim nërjrtet sociale, Bratko shprehet se ndarja nga jeta e ‘Nderit të Kombit’ është një humbje jashtëzakonisht e madhe për artin shqiptar.

"Lajm shume i hidhur për mua. Luftoi shume, por sëmundja për te cilën ai me shume fuqi për ta mposhtur e paska vene poshtë… Me thoshte vazhdimisht, “Do te me vere poshtë por unë do ta superoj”.

Ohhh i madhi njeri! Ohhh i madhi artist! Ohh i madhi mik dhe shok! Ohhh i madherishmi Mirush! Sic emrin kishte dhe do mbetet i mire e i përjetshëm!

Humbje jashtëzakonisht e madhe për kombin. I madhi ne thjeshtësi, t’i jete e lehte toka! Kurrë nuk pretendoi me shume se te ishe i thjeshte qeshur i dashur NJERI.

Shkruaj dhe lotoj… Shkëmb i madh ne themelet e teatrit dhe kinemasë. I përjetshme do mbetet jo vetme për ne por për gjithë bashkëkombësit ne rruzullin Toke".

Ndriçim Xhepa: Emër i shkruar në radhën e artistëve!

Aktori Ndriçim Xhepa në një lidhje telefonike për News24, u kthye pas në kohë, kur luajti për herë të parë me Kabashin në filmin ‘Kohë e largët’, ndërsa theksoi se ky i fundit ishte maniak i përpikërisë.

“Lajm i trishtë në këtë mëngjes dhjetori. Është lajm i trishtë për bashkëshorten, për dy vajzat e tij dhe komunitetin e teatrit të Durrësit, ku punoi për shumë vite. Ka pasur edhe prezencë në televizionin shqiptar, në spektakle të fundvitit dhe më pas erdhi në teatrin Kombëtar pas viteve 2000. Ka bashkëpunuar me të gjithë kolegët. Ishte prezent në shumë institucione dhe për spektatorin dhe artdashësit që prekën artin e tij. Mirushin, e kam takuar shtatorin që kaloi. E pashë mirë nga ana psiko-fizike, pasi kishte disa kohë që vuante nga kjo sëmundje e rëndë. Ishte natyrë vitale, sikur nuk e ndjeje fare që ai kalonte një situate të tillë. Ndejmë dhe biseduam dhe menduam se do t’ia kalonte. Por ja që s’paska qenë e thënë. Pasi ai ishte notar, sportist, nuk përdorte alkool dhe as cigare, por nuk qenka e shkruar. Ishte një aktor punëtor, maniak dhe me ekzigjenca të mëdha. Ne jemi bashkuar në javët e fundit të filmit ‘Kohë e largët’, ishim në ishullin e Prespës dhe punuam vetëm bashkë dhe vura re një maniakëri.”, tha Xhepa.

Zamira Kita: Jam njohur që në rini me të, miqësia jonë ishte shumë e fortë

Aktorja Zamira Kita ka folur në lidhje me ndarjen nga jeta të aktorit të madh shqiptar, ‘Nderit të Kombit’ Mirush Kabashi.

Kita u ndal te njohja e saj me Kabashin, ku tha se është njohur që në rininë e saj dhe e kanë pasur një miqësi të fortë.

“Kjo është një ditë jo e mirë për skenën dhe artdashësit shqiptarë. Lidhja me Kabashin është shumë e hershme. Kam krijuar dhe një miqësi të fortë me të.

Mirushi zhvillonte ide për të perfeksionuar festivalin e ‘Koko Fest’. Karriera e tij dhe mjeshtëria e madhe e tij ka bërë që të jetë ‘Nderi i Kombit’ dhe mjeshtri i madh i skenës. Ne jo vetëm që kemi ndjekur shfaqjet, por jemi përpjekur që së bashku të shëtisnim në vende të bukura turistike të Korçës, ku ne kemi marrë kënaqësi. Doja të shprehja ngushëllimet për familjarëve, komunitetet artistik dhe kujtdo që ka ndjekur veprat e tij.”, u shpreh Kita.

Bujar Kapexhiu: Çfarë e dallonte Mirush Kabashin nga të tjerët!

Bujar Kapexhiu, ka treguar njohjen e tij me Mirush Kabashin, i cili u nda sot nga jeta pasi humbi betejën me një sëmundje të rëndë.

 “Një humbje e madhe për familjen, miqtë, shokët dhe artin shqiptar. Themi shpesh për aktorët dhe regjisorët që janë të rrallë, por për Mirushin fjala e sinqertë është; një aktor dhe artist i rrallë. Ai ka qenë një aktor i talentuar, virtuoz. Atë e dallonte nga të tjerët, serioziteti, këmbëngulja dhe puna që bënte me rolin, madje ne thonim; e tepron më këtë seriozitet. Mbi këtë material më pas kishte një punë të jashtëzakonshme. Ai kishte korrektesë për gjithçka.”, tha ai.