Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“SPAK po fsheh denoncimet”, Berisha thirrje Dumanit: Rrëfehu! Akuzat për prokurorin që u pezullua sot nga detyra

Politiko 27 Maj 2022, 13:40

“SPAK po fsheh denoncimet”, Berisha thirrje Dumanit: Rrëfehu!

Kryetari i PD, Sali Berisha i ka bërë thirrje Nuredin Dumanit dhe Besian Xhixhës, që të rrëfehen për lidhjet e krimit me politikën.

Në konferencën për mediat që zhvilloi mesditën e sotme, Berisha u shpreh se SPAK po i fsheh lidhjet e krimit me drejtësinë dhe politikën, ndaj kërkoi nga të penduarit e drejtësisë që t’i zbërthejnë ato.

Sipas Berishës, Prokuroria e Posaçme po i fsheh denoncimet e të penduarve të drejtësisë për lidhjet e politikës me bandat e krimit. Ai ngriti akuza ndaj prokurorit Alfred Shehu, i cili u pezullua sot nga detyra.

“I bëj thirrje Dumanit në emër të asaj që rifiton në vetvete një njeri që rrëfehet, për të shpëtuar shpirtin e tij, i bëj thirrje ta bëjë të plotë, ta lërë me guxim se ka një tendencë absolute censure të rrëfimeve të tij tronditëse, të rrëfimeve që dëshmojnë qartë atë që është thënë çdo ditë nga mediat nga shoqëria, është denoncuar me kohë ata vrisnin përdhunonin se mbyllnin cdo çështje me urdhër nga sipër.

A e dini ju ku shkoi prokurori që mashtroi shqiptarët në mënyrën më të shëmtuar ku është ai? Në SPAK, në SPAK e partisë, kjo do të thotë që SPAK shndërrohet në strofull kriminelësh. Për llogari të kujt gënjeu Alfred Shehu?

Këta mbyllin dosje, banda paguante këta mbyllnin vrasje, njerëz që vriteshin te pragu i shtëpisë e një nga këta është Alfred Shehu.

Ndaj Dumani është fytyra e vërtetë e këtij shteti e kësaj qeverie. I bëj thirrje dhe Besian Xhixhës, të rrëfehet plotësisht për lidhje politike të deputetëve të ministrave, dyshimin më të madh në hetimin e trajtimin politik që SPAK po i bën cështjes po bën mburojë, e denoncimeve politike në një kohë kur ato dihen. SPAK po i fsheh këto”, deklaroi Berisha.

 

Të fundit