Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Tafani zbërthen motivet e vrasjeve të bandës së Haxhisë: Laerti vrau kushëririn, dyshoi tek besnikëria

Politiko 30 Shtator 2023, 18:42

Tafani zbërthen motivet e vrasjeve të bandës së

I penduari i drejtësisë Artan Tafani ka rrëfyer me detaje ngjarjet kriminalë të bandës së Laert Haxhisë.

Tafani ka treguar motivet e vrasjes së Alban Semakut, ushtari i Aldo Bares. Tafani ka thënë se e ka mashtruar Semakun, i cili ishte përdorues kokaine, duke i thënë se kishte fshehur një sasi të vogël diku. Sipas të penduarit të drejtësisë, në momentin që Semani është ulur të kërkojë kokainën e kanë qëlluar.

“Alban Semakun e njihja më herët dhe e dija që ai konsumonte heroinë. Atë ditë e gënjeva duke i thënë hajde se do të gjej unë heroinë se e kam të fshehur në një vend. Kam shkuar e kam marrë me makinë tek lagjja e tij dhe pastaj shkuam në Peqin. I thashë që e kam fshehur në një mur tek disa ferra dhe ai nisi të kërkojë për heroinën. Në këtë moment e qëlluam me një plumb në kokë dhe dy në trup. Pasi e vramë e lamë trupin e tij në ferra dhe ikëm”, ka thënë ai.

Për vrasjen e Çajup Selimit, Tafani tha se janë paguar 50 mijë euro.

“Porosinë për të vrarë Çajup Selimin e mori Laerti dhe me sa kujtoj e kishin paguar 50 mijë Euro. Çajupin e vramë në shkallët e pallatit ku jetonte. Ersiano Abedini dhe Bujar Abedini ishin ata që na mbanin në kontakt për lëvizjet e Çajupit. Në vrasje morën pjesë edhe Lulzim Spahia e Ligor Romaçka”, ka dëshmuar ai.

Sipas Tafanit, Laert Haxhiu ka ekzekutuar edhe kushëririn e tij Fridman Xhaferri, një ditë pas vrasjes së biznesmenit Çajup Selimi.

“Fridmani i kishte kërkuar Laertit që ta ndihmonte dhe nëse nuk e ndihmonte do të fliste. Kjo u mor si kërcënim nga Laerti, dhe filloi të dyshojë në besnikërinë  e tij. Laerti dhe Fridmani ishin kushërinj me njëri-tjetrin. Laerti e ndihmoi të dilte nga burgu dhe t’i ndryshohej masa e sigurisë. Ai e rrahu para se ta vriste. I kërkonte llogari nëse kishte folur dhe pse e shantazhonte nga burgu. Kur pa që në dorë kishim pistoletat, i kërkoi falje Laertit dhe iu lut të mos e vrisnim. Pastaj e qëlluam me plumb pas koke, e morëm në makinë dhe e çuam në Gjanç. Trupin më pas e hodhëm në rezervuar”, ka vijuar Tafani.

Të fundit