“Të djegin ty dherat se xhaxhai ndërton pallate”, sërish debat mes Veliajt dhe Tabakut

Debatet në Komisionin Hetimor për Inceneratorët kanë vijuar. Kryetarja Jorida Tabaku e ka pyetur kryebashkiakun Erion Veliaj për vendimin e Këshillit Bashkiak për dherat.

Veliaj ka hedhur akuza ndaj Tabakut, duke i thënë se kjo çështje “i djeg”. Kryebashkiaku ka deklaruar se Tabaku shqetësohet për dherat sepse xhaxhai i saj ka marrë leje për të ndërtuar pallate.

Tabaku i ka mohuar akuzat, duke thënë se xhaxhai i saj ka ndërruar jetë dhe se asnjë familjar nuk është i përfshirë në ndërtime. Ajo i ka kërkuar llogari Veliajt se pse i ka dhënë 45 milionë euro shtesë koncesionarit të Tiranës.

Debati Tabaku-Veliaj

Tabaku: Vendimi i Këshillit Bashkiak për dherat?

Veliaj: Se je dhe ndërtuese, të djeg edhe për vete. Unë e kuptoj që s’je rehat. Ke shumë problem, pasi je dënuar edhe nga gjykata për shpifje

Tabaku: Zoti Veliaj nuk të lë të abuzosh me personin tim. Pse i ke shtuar 45 milionë euro koncesionarit të Tiranës

Veliaj: Nuk ka lidhje bashkia me kulturën tuaj që i hidhnit dherat nëpër lumenj. Si ndërtuese e di që të djeg për dherat

Tabaku: 45 milionë euro shtesë ia keni dhënë Klodian Zotos dhe Mirel Mërtirit, ku e keni bazuar këtë?

Veliaj: Po njeriu ka një cipë. Po je dënuar moj nga gjykata, më lër të flas. Je ndërtuese ke konflikt interesi

Tabaku: Nuk jam ndërtuese, fokusohu te përgjegjësia jote

Veliaj: Pse do marrë unë vendimin e Këshillit Bashkiak për dherat e xhaxhait tënd që bën pallate

Tabaku: Xhaxhai im nuk po bën asnjë pallat, fatkeqësisht ka ndërruar jetë. Askush nga familja ime s’po bën asgjë zoti Veliaj