Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

"Te PD janë të trembur", Ngjela: Rama po bën çmos që të mbajë përballë Saliun dhe Lulzimin

Politiko 30 Prill 2021, 17:31

"Te PD janë të trembur", Ngjela: Rama po bën

Avokati Spartak Ngjela analizon të dy kampet, PD dhe PS, pas zgjedhjeve të 25 prillit, teksa shprehet se humbësit, duke iu referuar demokratëve, sipas tij, janë të prerë në fytyrë dhe te shthurur nga sistemi logjik individual.

Në një postim në rrjetet sociale, Ngjela reagon ashpër ndaj, kandidatëve dhe analistëve që shprehet se PS-ja ka blerë votat, pasi sipas tij, deri tani nuk ka dalë asnjë provë. Ai shton se ata janë të trembur dhe kjo iu dallohet nga ngjyra e fytyrës, që sipas tij, këtë ngjyrë kriminalistika moderne e njeh si frikë të të inkriminuarit.

Për kampin e socialistëve, Ngjela shprehet se Rama e ndjen qetësinë e fitores, por nuk e di se si do të vijojë kjo histori. Sipas tij, kryesocialisti po bën çmos që të mbajë përballë Sali Berishën dhe Lulzim Bashën dhe se prandaj po fton Lulëzimin për bashkëpunim dhe nuk e godet më Saliun.

Reagimi i plotë: 

Zgjedhjet u mbyllën: ato i fitoi Partia Socialiste.
Por, humbësit, të gjithë janë të prerë në fytyrë dhe te shthurur nga sistemi logjik individual, flasin vetëm fjalë që shtyhen të dala nga mllefi i tyre. Por, më keq duken ata që vetëquhen analistë, dhe që dallojnë që janë të trembur. Pse vallë?
Mendonin, që, meqë kishin të njëjtin hall me Saliun për reformën antikorrupsion, Saliu do t'a bllokonte.
l
Jemi në një situatë ku krerët e Partisë Demokratike janë fshehur, kurse një grup i pakuptimtë gazetarësh që duan t'i mbushin mendjen njerëzve se votat janë vjedhur nga fituesi, po i bëjnë shqiptarët të qeshin. Si mund të thuash që më kanë vjedhur, pa paraqitur një provë të vetme?!! Më e bukura është refreni: janë blerë votat, dhe po ju del që deri tani është kapur humbësi si blerës votash.
Por, dallohet edhe diçka: të gjithë këta u dallua se janë të trembur, dhe kjo u kuptua nga ngjyra e fytyrës në daljet e të hënës, të martës, edhe të mërkurës: ngjyra që kriminalistika moderne e njeh si frikë të të inkriminuarit. Pse? Nuk i dihet... autorët politikë të korrupsionit kanë paguar nga të katër anët. Por ka pasur shumë lloj pagesash. Nejse, do t'i dëgjoni...
Ndërkohë, kryetari i Partisë Demokratike Lulzim Basha nuk dihet se ku është, sepse doli vetëm një ditë, dhe nuk tha asgjë.
Por, disa njerëz të thjeshtë që nuk e dinë në një gjykim raportin midis subjektit dhe predikatit, aktualisht po mohojnë pa krijuar dot asnjë gjykim mohues.
Kurse Lulzim Basha ka qepur gojën.
Pas Ramës?
Asgjë deri tani, sigurisht që e ndjen qetësinë e fitores, por nuk e di se si do të vijojë kjo histori. Në fakt, po kuptohet se po bën çmos që të mbajë përballë Saliun dhe Lulzimin.
Prandaj po fton Lulëzimin për bashkëpunim dhe nuk e godet më Saliun.
Po ekspertiza ndërkombëtare që monitoron ndërkohë Shqipërinë, nuk do të influencojë në ristrukturimin e të djathtës shqiptare?
Ajo do të ndërhyjë, se me këtë fitore nuk dihet se si do të sillet politikisht Edi Rama me Uashingtonin dhe Berlinin. Por, kjo kohë kuptohet se do t'i "sistemojë" të gjithë.
Prisni dhe shikoni...

Të fundit