Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Tragjedia e Himarës, Prençi: Skafi që drejtonte Tase përdorej për veprimtari të paligjshme

Politiko 4 Gusht 2022, 18:13

Tragjedia e Himarës, Prençi: Skafi që drejtonte Tase

Ish-drejtori i Emergjencave Civile, Shemsi Prençi, ka thënë se motori i ujit që përplasi për vdekje 7-vjeçaren në Himarë, nuk përdorej si mjet turizmi, por për veprimtari të paligjshme.

I ftuar në studion e Euronews Albania, Prençi u shpreh se skafi i drejtuar ditën e ngjarjes nga ish-efektivi Arjan Tase, përdoret për operacione të shpejta dhe sipas tij mjeti përdoret nga ata individë që mbështesin grupe kriminale.

“Ajo çka kam konstatuar me keqardhje edhe në prononcimet publike, është se mjeti motorik që i mori jetën 7-vjeçares,  nuk është mjet turizmi, nuk është mjet për guida turistike, por është mjet për operacione të shpejta. Mjeti me dy motorë të fuqishëm, janë mjete për operacione të shpejta, do të thotë për veprimtari  të paligjshme. Institucionet shtetërore nuk kanë pse fshihen prapa gishtit. Qoftë Ministria e Brendshme, qoftë Drejtoria e Përgjithshme e Policisë. Atë e përdorin ata të cilët kanë mbrojtje shtetërore, të cilë mbështesin grupet kriminale”, theksoi Prençi.

Arjan Tase duke drejtuar mjetin tip skaf përplasi për vdekje 7-vjeçaren Jonada Avdiu në plazhin e Potamit në Himarë, teksa vogëlushja ishte duke qëndruar në breg të detit. Sipas dëshmitarëve, Tase kreu manovra të rrezikshme që i kushtuan jetën 7-vjeçares.

Prokuroria e Vlorës kërkoi sot ashpërsimi të akuzës që rëndon mbi Tasen duke e zëvendësuar atë nga “Vrasje nga pakujdesia” në “Vrasje me dashje”, pasi sipas konkluzioneve të grupit hetimor ish-efektivi ishte paralajmëruar nga pushuesit dhe mund ta shmangte tragjedinë.

Të fundit