Flash News

Ftohtë dhe ngrica, parashikimi i motit për sot

Abuzimet me fondet, KQZ kërkon gjoba për PS, PD dhe 103 parti të tjera

Aksident në Maliq, "Benzi” përplas furgonin, përfundon në kanal

Ekzekutoi 41-vjeçarin, kush është autori i vrasjes në Fier

Sherr mes adoleshentëve në Tiranë, plagoset 15-vjeçari

E-TJERA

Tregtonte bombola me azot dhe i reklamonte në rrjetet sociale, pranga të riut në Tiranë

Politiko 22 Shtator 2023, 13:39

Tregtonte bombola me azot dhe i reklamonte në rrjetet sociale, pranga

Një  21-vjeçar është vënë në pranga këtë të premte nga policia, pasi tregtonte bombola të kontrabanduara që dyshohet se përmbajnë lëndë të rrezikshme për shëndetin (azot) dhe i reklamonte në rrjetet sociale duke bërë thirrje për t’i blerë ato, në tabakinon e tij.

“Më mirë të blini këtë, se tullumbacet”, dëgjohet në sfond i riu teksa reklamon produktin e tij, edhe pse i ndaluar me ligj.

“Sekuestrohen bombolat e gazit që dyshohet se përmbajnë lëndë të rrezikshme për shëndetin. Specialistët e Seksionit për Hetimin e Krimeve Ekonomike dhe Financiare të DVP Tiranë, në vijim të punës për evidentimin dhe goditjen e të gjitha rasteve të paligjshmërisë, pas publikimit të një videoje në rrjete sociale, në të cilën shfaqej një shtetas që reklamonte bombola me lëndë të rrezikshme për shëndetin (azot), menjëherë kanë organizuar punën për kapjen e tij.

Falë veprimeve të shpejta hetimore është bërë identifikimi, kapja dhe arrestimi i shtetasit A. T., 21 vjeç, banues në Tiranë. 21-vjeçari tregtonte në tabakinon e tij, në rrugën “Tre Dëshmorët”, bombola të kontrabanduara që dyshohet se përmbajnë lëndë të rrezikshme për shëndetin.

Në cilësinë e provës materiale u sekuestruan bombolat që u gjetën gjatë kontrollit në këtë tabakino. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.”, thuhet në njoftimin e policisë.

Të fundit