U konfirmua zyrtarisht edhe në Shqipëri, studimi: Varianti britanik i Covid-19 është 64% më vdekjeprurës se llojet e mëparshme

Varianti britanik i Covid-19, i cili prej muajsh po përhapet edhe ndërkombëtarisht është 64 për qind më vdekjeprurës sesa llojet para, sipas një studimi të botuar së fundmi.

Ky lloj virusi u konfirmua në Shqipërisë zyrtarisht sot edhe nga Ministria e Shëndetësisë dhe se qarkullon prej janarit.

Varianti, i zbuluar në fund të vitit të kaluar, është një nga llojet që kanë pësuar mutacion, duke rritur vështirësitë në sfidën për të frenuar pandeminë.

Autoritetet britanike, të cilët kishin paralajmëruar tashmë variantin e ri, ishte dukshëm më i transmetueshëm, ndërsa në janar thanë se gjithashtu besohej të ishte deri në 40 për qind më vdekjeprurëse, bazuar në një numër studimesh në MB.

Gjetjet nga një prej atyre studimeve, të udhëhequr nga Universiteti i Exeter, u botuan në BMJ të mërkurën.

Studiuesit krahasuan të dhënat për gati 55,000 çifte pjesëmarrësish të cilët rezultuan pozitivë në komunitet – midis tetorit dhe janarit dhe i ndoqën ato për 28 ditë.

Pjesëmarrësit u krahasuan me një sërë faktorësh si mosha, seksi dhe përkatësia etnike.

Ata zbuluan se të infektuarit me variantin e ri, të njohur si B.1.1.7, kishin 64 përqind më shumë gjasa të vdisnin, duke përfaqësuar një rritje të vdekjeve nga 2.5 në 4.1 në çdo 1.000 raste të zbuluara.

Testimi i komunitetit tenton të zbulojë më shumë raste me rrezik të ulët, por studiuesit thanë se nëse gjetjet do të mund të përgjithësoheshin për popullatat e tjera, varianti ka "potencialin për të shkaktuar vdekshmëri të konsiderueshme shtesë krahasuar me variantet e qarkulluara më parë".

Simon Clarke, Profesor i Asociuar në Mikrobiologjinë Celulare në Universitetin e Reading, tha se vdekja e shtuar në përhapjen e saj më të shpejtë do të thoshte se "ky version i virusit paraqet një sfidë thelbësore për sistemet e kujdesit shëndetësor dhe politikëbërësit.

Ndërsa shumica e prodhuesve të vaksinave kanë thënë se provat tregojnë se imunizimet e zhvilluara tashmë janë efektive kundër variantit britanik, variante të tjera si ajo që përhapet në Afrikën e Jugut kanë mutacione që kanë shkaktuar shqetësime se mund t'i shpëtojnë përgjigjes imune.