Flash News

E-TJERA

Çudira shqiptare, biletat e sfidës Shqipëri-Çeki ndërrohen me “Smart”, “iPhone” ose apartament 2+1

Çudira shqiptare, biletat e sfidës Shqipëri-Çeki

Biletat e Kombëtares mbaruan në kohë rekord, madje shumica e tifozëve u ankuan pasi nuk arritën dot të siguronin një të tillë megjithëse ishin renditur në radhë.

Së fundmi, çudirat shqiptare vijnë nga platformat sociale, ku ka nisur shitja dhe ndërrimi i biletave. Tregu i zi i shitjes së biletave ka lulëzuar dhe aty përdoruesit e TikTok pretendojnë se mund ta këmbejnë biletën me një “çmim të arsyeshëm” 35 euro, nga 3 mijë lekë që ishte kosto origjinale.

Një tjetër përdorues i TikTok ka nxjerrë në shitje 40 bileta, për 45 euro secila.

Të tjerë i shesin nga 100 apo 150 euro copa, deri në 200 apo 250 euro për çdo vend, shifra që as në finalen e Champions League nuk i kapin këto vlera.

Dikush tjetër i ndërron katër bileta me një makinë “Smart”, një tjetër me “iPhone 15”, që sapo doli në treg. Ka edhe nga ata ofertues që nuk duken seriozë, sepse 4 bileta kërkojnë t’i ndërrojnë me apartament 2+1 në Tiranë.

Të fundit