Vaksinimi/ Akuzoi vendet e BE për cinizëm, ambasada franceze i përgjigjet Ramës: I papërshtatshëm sulmi nominativ ndaj një vendi mik

Ambasada e Francës në vendin tonë ka reaguar pas deklaratave me nota kritike të kryeministrit Edi Rama se disa vende të BE-së janë treguar egoiste dhe cinike në procesin e shpërndarjes së vaksinave.

Sipas ambasadës, nuk ështe e vërtetë deklarata e kryeministrit Rama se Franca ka një stok vaksinash që nuk mund t’i përdorë, në vend që t’i ndajë me vendet e tjera që nuk e kanë nisur ende këtë proces.

Në reagimin e saj, ambasada franceze e ka konsideruar të ‘përshtatshme sulmin në këtë mënyrë nominative një vend mik dhe aleat’.

Reagimi zyrtar:

Këto deklarata erdhën pasi kryeministri iu përgjigj ambasadorit të BE, Luigi Soreca, i cili u shpreh i habitur nga kritikat e kreut të qeverisë shqiptare ndaj BE.

Në një intervistë për VOA, Soreca deklaroi po ashtu se Shqipëria nuk ka një plan vaksinimi.

Rama në ‘Open’ iu përgjigj duke thënë se ambasadori i ka keqkuptuar kritikat e tij ndaj BE.

“Ne kemi planin nga ekspertësh prej kohësh. Komisionit evropian i kem i çuar prej kohësh sasitë e nevojshme. Nuk na ka kërkuar plan kombëtar vaksinimi dhe kjo duhet ndarë.

Komisioni evropian është strukturë që punon ditë e natë, BE është më shumë se KE, është Këshilli Evropian. Vendet jo anëtare të BE të lihen jashtë, eshte moralisht e pajustifikueshme.

I kemi çuar çfarë na ka kërkuar. Këshilli Evropian ku ka cinizem nga disa shtete, mori vendimin që sasinë e vaksinave ta ndanin me njëri tjetrin dhe thanë se cdo shtet mund të bëjë negociata bilaterale me njëri tjetrin. Ne nuk i kemi kërkuar lek BE, por vaksina. Kanë vënë 70 mln euro po çfarë do blejnë kur s’ka vaksina.

Vaksinat janë siguruar nga kontaktet personale. Mbase ambasadori ka keqkuptuar kritikat e mia ndaj BE, që nuk i heqë asnjë presje. Nuk janë kritika ndaj Komisionit Evropian, por që lidhen me disa vende që cinizmin e kanë kthyer në sistem. Kjo ka qenë kritika ime, nuk ka lidhje kemi apo jo plan”, tha Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm