Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kuvendi miraton aktet normative për marrëveshjet e vaksinave anti-covid

Politiko 18 Janar 2021, 19:04

Kuvendi miraton aktet normative për marrëveshjet e vaksinave

Me 94 vota pro, pesë kundër dhe tre abstenim, Kuvendi i Shqipërisë votoi tre aktet normative të propozuara nga qeveria të marrëveshjes me kompaninë farmaceutike amerikane Pfizer, me qëllim sigurimin e dozave të vaksinës ndaj Covid-19.

Tre aktet normative:

1. Akt Normativ nr. 38, datë 31.12.2020 “Për dhënien e autorizimit ministrit të Shëndetësisë dhe Mbrojtjes Sociale dhe ministrit të Shtetit për Rindërtimin për zhvillimin e negociatave me prodhuesit e vaksinës Anticovid-19 të cilët janë të çertifikuar nga Departamenti Amerikan i Ushqimit dhe Barnave (FDA) dhe/ose Agjencia Evropiane e Barnave (EMA) për furnizimin e Republikës së Shqipërisë me këtë vaksinë”.

2. Akt normativ nr. 1, datë 10.1.2021 “Për miratimin e tekstit të marrëveshjes, për prodhimin dhe furnizimin, nga dhe ndërmjet Pfizer Export B.V. dhe Ministrisë së Shëndetësisë dhe Mbrojtjes Sociale të Shqipërisë, Institutit të Shëndetit Publik, dhe ministrit të Shtetit për Rindërtimin, Autorizimin e procedurës për lejimin e hyrjes dhe administrimit të vaksinave anti-covid-19 në Republikën e Shqipërisë si dhe përdorimin e tyre në popullatë”.

3.  Akt Normativ nr. 3, datë 18.01.2021 “Për miratimin e marrëveshjes të nënshkruar për “Prodhimin dhe furnizimin ndërmjet Pfizer Export B.V. dhe ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik”.

Kuvendi miraton aktet normative për marrëveshjet e vaksinave

Kjo marrëveshje i hap rrugën dërgesës së parë të vaksinave nga Pfizer në Shqipëri e cila do të jetë 10 mijë e 700. 

Sipas kryeministrit Edi Rama, sapo është nënshkruar një marrëveshje me kompaninë Pfizer për 500 mijë doza, ndërsa një javë më parë ky proces ka nisur në vendin tonë pas marrjes së rreth një mijë dozave të para nga një vend i BE, ende i panjohur.

Po ashtu, sipas Ramës, vendi ynë ka lënë të hapur mundësinë për marrëveshje edhe me kompani të tjera pasi kompania Pfizer ka shtrenjtësinë e vet në tërësi.

Gjatë fjalës së tij, kreu i qeverisë nuk i kurseu edhe një herë tjetër kritikat kundër BE-së.

Të fundit