Flash News

Ditari i Maxhorancës

Rama flet për tre skenarët e vaksinimit: Firmosëm marrëveshje për 500 mijë doza me Pfizer, e hapur mundësia për vaksina të tjera

Rama flet për tre skenarët e vaksinimit: Firmosëm

Kryeministri Edi Rama deklaroi sot nga Kuvendi se është dakordësuar që me kompaninë Pfizer të sigurojë 500 mijë doza, ndonëse sipas tij negociatat nuk kanë qenë të lehta.

Rama u shpreh po ashtu se duke patur parasysh koston që ka kjo lloj vaksinë, është lënë e hapur mundësia edhe për zgjedhje të vaksinave të tjera.

“Sot do votojë finalizimin e marrëveshjes me kompanitë Pfizer për sjelljen në Shqipëri të masës së parë të vaksinave. Kemi dakordësuar me kompaninë për 500 mijë doza dhe në kontratën e nënshkruar pak më parë pas një negociate jo të lehtë është marrë parasysh edhe nevoja potenciale e mëtejshme.

E them sepse se synojmë të sigurojmë fillimisht një sasi vaksinash për një pjesë të procesit të vaksinimit duke patur parasysh raportin e sasisë me kalendarin e planit kombëtar të vaksinimit dhe duke mos harruar janë një sërë vaksinash të tjera qoftë që presin me ditë aprovimin, qoftë vaksina Astra zeneka që është aprovuar në Britani dhe pret aprovimin në nivel evropian, apo ato që janë në dalje e sipër.

Do ishte sipas nesh e gabuar që të kontraktonim sasinë e nevojshme të vaksinave për periudhën e vaksinimin duke pasur parasysh çmimin që është i panegociueshëm për asnjë nga vendet që e kanë marrënga Pfizer, por duke pasë parasysh procesin e vaksinimit me dy doza dhe me një sërë elementësh tjerë sigurie, që në tërësi kjo vaksinë ka shtrenjtësi në raport me tjerat.

Pra, nga një anë kemi siguruar me marrëveshjen me Pfizer akses për doza të mëtejshme nëse kështu do gjykohet në vijim, por i kemi lënë vetes hapësirë për zgjedhjet e duhura me vaksina tjera.

Jemi në negociata në nivelin e komunikimit me kompanitë e shtete të tjera pasi procesi i shpërndarjes së vaksinës është më i ndërlikuar nga sa duket”, tha Rama.

Po ashtu, kryeministri foli edhe për tre skenarët e vaksinimit, që më ambiciozi sipas tij është ai që përfundon pas 14 muajsh.

Kemi nevojë për sasitë në planin kombëtar. Ka tre skenarë brenda 14 muajsh, që përfshin të gjitha moshat, i dyti ka axhendë 18 mujore dhe i treti 24 mujore.

Do bëjmë gjithçka të shkojmë sipas skenarit të parë. Me votimin sot hapet rruga për të marrë sipas marrëveshjes së dakordësuar në parim kur thashë se doza e parë do vijë brenda janarit dhe më pas do marrim të gjithë sasinë e dakordësuar, apo të porosisim sasi tjera edhe drejtpërdrejtë nga Pfizer.

Pfizer bëri një deklarim që krijoi pakënaqësi për shtyrjen me një javë të angazhimeve të veta në raport me vendet ku është angazhuar nga nevoja për të rritur prodhimin dhe krijuar kushtet që prodhimi të rritet duke bërë frenim të përkohshëm. Pra, është proces me të papritura.

 Çdokush që vaksinohet është një hallkë e këputur nga zinxhiri i infektimit.  Momentin që kompania do të bëjë furnizimin e parë që do të sjellë 10 mijë vaksinuar e para, do të ndjekë një procesi si në të gjitha vendet e tjera për të hequr sëkëlldinë nëpër media dhe rrjetet sociale”, tha kryeministri.



 

Ditari politik

Të fundit