Flash News

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Incident në Giro d’Italia, qytetari përplaset nga çiklisti

PD kundër kërkesës së PS për shtyrjen e orarit të votimit në Vlorë: Abuzim me procesin zgjedhor

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

E-TJERA

“Veliaj nuk njeh kufi”, Qendra Evropiane për Lirinë e Shtypit dhe Medias: Duhet të kërkojë falje!

Politiko 31 Mars 2023, 18:55

“Veliaj nuk njeh kufi”, Qendra Evropiane për Lirinë e

Qendra Evropiane për Lirinë e Shtypit dhe Medias (ECPMF) ka reaguar pas sulmit të kryebashkiakut të Tiranës, Erion Veliajt ndaj portaleve 'JOQ' dhe 'LOLITA'.

ECPMF shprehet se kjo është një cënim sigurie dhe shqetësim për dy individët që u përmendën nga Veliaj.

 Qendra Evropiane për Lirinë e Shypit kërkon nga kryebashkiaku një falje dhe një sigurim për jetën e individëve të përmendur.

"Jemi të tronditur që kryebashkiaku i Tiranës Erion Veliaj identifikoi individë gjoja pas dy faqeve anonime satirike Lolita dhe faqeve të tjera, duke çuar në shqetësime sigurie. Veliaj duhet të kërkojë menjëherë falje dhe të sigurojë që identitetet e individëve privatë të mbrohen siç duhet."

Dy ditë më parë, Veliaj gjatë një eventi ku po diskutohej për transportin publik, denoncoi publikisht dy faqe online, që sipas tij i kishin vendosur gjobë kompanive që drejtojnë linjat e autobusëve në Tiranë.

Ai zbuloi, se gruaja që fshihet pas "Lolita" është Anisa Caka-Metka, ndërsa pas JOQ fshihet Erland Dalliu. Me ta u mor edhe personalisht, duke u përmendur familjarët dhe fëmijët.

“Më erdhi dje dikush tjetër për atë aksidentin e fundit, më tha: ‘Anisa e Vithkuqit e “Lolitës” më ka vënë gjobë’. I thashë: “Jo, jo, Anisa e Vithkuqit le t’i rrisë dy fëmijët e saj siç i rrisin të gjithë, jo me gjoba”. Nuk do paguaj asnjë gjobë dhe këtë radhë do provoj që ti mund të bësh një fushatë me vendime të rëndësishme, me vendime të drejta, me vendime të ndershme pa paguar asnjë gjobë dhe të fitosh. Po ju garantoj, ne do t’i fitojmë këto beteja, jo vetëm politike, por edhe betejat për transportin publik, pa paguar asnjë gjobë, as Anisa Vithkuqit, as Erland Dalliut, dhe as ndonjë gjobaxhiu tjetër që fshihet pas emrave që duket sikur janë gallatë dhe në fakt janë makineritë më të mëdhaja të gjobave. Se i bie që duhet të fusni në bilancin tuaj edhe këto kosto. Pra, mirë kostoja e naftës, mirë kostoja e stresit, mirë kostoja e dikujt që mund të jetë i sëmurë ose e dikujt që është me agjërim apo edhe e një aksidenti ku s’ke faj fare, por të fusësh edhe koston e Anisa Vithkuqit dhe Erland Dalliut, për të përballuar transportin publik…”, deklaroi kryebashkiaku.

Të fundit