Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

E-TJERA

Enriketa Papa tregon për Politiko vështirësitë e skualifikimeve: U përzgjodhën figurat që mund të maksimalizojnë votën edhe tek zona gri

Politiko 24 Tetor 2020, 14:00

Enriketa Papa tregon për Politiko vështirësitë e

Anëtarja e Komisionit të Vlerësimi të kandidatëve për depuet në PD Enriketa Papa në një intervistë për Politiko.al foli për ecurinë e procesit, kriteret mbi të cilat ishin bazuar dhe vështirësitë e përzgjedhjes. Papa tha se u përzgjodhën emrat që maksimalizojnë votën, si brenda elektoratit të djathtë, por dhe tek zona gri.

Gjithashtu komentoi edhe reagimin publik të ish-deputetit Tritan Shehu i skualifikuar nga komisioni bashkë me 12 emra të tjerë të njohur, që sipas PD u është shtyrë aprovimi.

Një ditë më parë u bë publike lista e disa kandidatëve për deputetë. Si shkoi procesi i vlerësimit dhe a ndeshët vështiresi ju si komision në përzgjedhjen e emrave gjatë kësaj faze?

Kriteret që KVK është bazuar për përzgjedhjen e kandidadëve ishin të ndryshme. Siç jam shprehur dhe më parë, në fazen e 3, komisioni kishte si synim final hartimin e një liste që në kendveshtrimin tonë, maksimalizon fitoren në zgjedhjet e ardhshme parlamentare dhe për pushtetin lokal. Eksperienca, njohja me terrenin elektoral, strukturat, individualizmin, konkurueshmërinë. Duhet kuptuar që nga afro 5000 kandidatë që u propozuan nga strukturat do përfundonim me një listë tek afro 300 kandidatë, dhe veshtirësia qëndronte në përzgjedhjen e atyre përfaqësuesve politike që maksimalizojnë nën këndveshtrimin e KVK votën, si brenda elektoratit të djathtë, por dhe tek zona gri.

Mes emrave pati edhe figura që kanë marrë refuzimin e komisionit dhe që sipas Sekretarit të Përgjithshëm Gazmend Bardhit u shtyhet aprovimi. Mbi çfarë kriteresh u bazua skualifikimi për emrat si Salianji, Hasa, Ulqinku dhe Shehu?

Nuk mund të flas nominalisht për skualifikime figurash, pasi asnjë prej kandidatëve që erdhën në komision është bërë e qartë që nuk është skualifikuar, por shtyrë kandidimi. Që do të thotë, që për PD të gjithë këta kandidatë si nga lista e veçantë kombëtare (deputetë dhe anëtare të kryesisë) apo dhe nga ajo në nivel lokal të strukturave do të angazhohen në fushatën elektorale si në poste drejtuese, në nivel pushteti ekzekutiv apo ku PD i konsideron të domosdoshëm për të drejtuar shtetin.

Ish- deputeti Tritan Shehu në reagimin e tij publik la të kuptohej se nuk e njeh vlerësimin tuaj duke thënë se vendimin e japin organet statutore, a keni një koment për këtë?

KVK është një komision që parashikohet në statutin e PD si dhe është i legjitimuar me votim nga Kryesia dhe Këshilli Kombëtar i PD që në 3 gusht para se të niste punën. Komisioni i ka përcjellë kryetarit, kryesisë dhe sekretarit të përgjithshëm listën me 326 emra për t’u përzgjedhur si përfaqesues politik në nivel legjislativ dhe pushtet vendor. Kuptohet që do jenë Kryesia dhe Këshilli Kombëtar bashkë me kryetarin e PD-së që do të finalizojnë listën përfundimtare për zgjedhjet e ardhshme të 25 prillit.

/J.S/