Flash News

Ftohtë dhe ngrica, parashikimi i motit për sot

Abuzimet me fondet, KQZ kërkon gjoba për PS, PD dhe 103 parti të tjera

Aksident në Maliq, "Benzi” përplas furgonin, përfundon në kanal

Ekzekutoi 41-vjeçarin, kush është autori i vrasjes në Fier

Sherr mes adoleshentëve në Tiranë, plagoset 15-vjeçari

E-TJERA

Video/ “Do shkoni te varrezat çame”? Begaj e ngatërron me Finiqin

Politiko 22 Shtator 2023, 19:09

Video/ “Do shkoni te varrezat çame”? Begaj e ngatërron

“Do shkoni te varrezat çame”? Kjo ishte pyetja e Marko Kepit, një prej veprimtarëve të komunitetit shqiptaro-amerikan drejtuar Presidentit Bajram Begaj, gjatë vizitës së tij të fundit në SHBA.

Një pyetje në dukje e thjeshtë, por që e bëri Presidentin Begaj jo vetëm të “djersijë” dhe fjalët t’i ngecen në grykë, por edhe të bëjë lëmsh një plagë të hapur edhe sot e kësaj dite për shqiptarët.

Ndërkohë që të gjithë prisnin që Begaj të deklaronte me zë të fuqishëm dhe i bindur se do të shkonte te varrezat çame, duke u përpjekur të bëjë diplomatin, e ngatërroi edhe më keq veten, pasi barazoi vizitën e tij në Finiq, një fshat minoritar grek, me genocidin ndaj Çamërisë. Begaj përmend me krenari se ka qenë në Finiq, por nuk thotë se do të shkojë në Çamëri, në tokën shqiptare ku derdhën gjakun mijëra njerëz.

E turpshme për Presidentin e Shqipërisë dhe shqiptarëve, që ka frikë të thotë se do të shkojë të nderojë çamët e vrarë nga forcat shoviniste greke. Parlamenti i S    hqipërisë ka miratuar një rezolutë që e njeh si genocide vrasjen e shqiptarëve të Çamërisë, ndaj nderimi i Begajt është detyrim, por mesa duket Presidentit nuk ia paskan thënë akoma këtë.

Po çfarë duhet të presin më shumë shqiptarët nga një President i tillë, që kështu siç e ka nisur, do të harrojë edhe 5 Majin apo 28-29 Nëntorin, por që nuk do të harrojë të shkojë në Festën e Birrës, asht siç bëri edhe këtë vit.

Çështja Çame mbetet një njollë turpi mbi të gjitha qeveritë shqiptare, që nuk guxuan kurrë t’i shkojnë deri në fund për shkak të presioneve nga Greqia me integrimin në Bashkimin Europian, por që këtë turp e shton edhe më shuëm zgjedhja e njerëzve të tillë në poste të larta që nuk guxojnë as ta përmendin, e jo më të kërkojnë llogari për gjakun e mijëra njerëzve. Ditar.al

Të fundit