Flash News

U ekstradua nga Spanja, mbërrin në Rinas Lulzim Berisha

Tiranë/ Gjendet 'shtëpi bari' në Laknas, arrestohet punonjësi i OSHEE

A do të mbyllet lufta? Trump ngre shpresat me një armëpushim të plotë

Sonte pritet të ekstradohet në Tiranë ish-kreu i bandës së Durrësit, Lulzim Berisha

Lufta në Ukrainë/ Përfundon telefonata Trump-Putin, zgjati rreth 90 minuta

E-TJERA

Zbardhen dy vrasjet e bujshme të 15 viteve më parë, GJKOK vendos “arrest në burg” për Emiljano Shullazin, Lulzim Berishën dhe 4 "të fortët" e krimit

Politiko 8 Dhjetor 2020, 18:42
Zbardhen dy vrasjet e bujshme të 15 viteve më parë, GJKOK vendos
Struktura e Posaçme Antikorrupsion

Pas arrestimit të Indrit Taullaut, SPAK ka nisur hetimet për dy ngjarje të ndodhura para 15 vitesh, autorët e të cilave nuk ishin zbuluar.

Ngjarja e parë është ajo e vrasjes së Klodian Saliut, një ish-anëtar të bandës së Durrësit, i njohur edhe si biznesmen, kurse vrasja e dytë e zbardhur është ajo e biznesmenit Vajdin Lamaj në Tiranë.

Hetimet e procedimeve të regjistruara për këto dy ngjarje ishin pezulluar për moszbulim të autorëve të veprës penale.

Pas rifillimit të hetimeve dhe grumbullimit të provave Prokuroria i është drejtuar Gjykatës së Posaçme të Shkallës së Parë Për Korrupsionin dhe Krimin e Organizuar me kërkesën për caktim mase sigurimi ndaj 6 të dyshuarve.

GJKOK ka caktuar masat e sigurimit “arrest në burg”, ndaj shtetasve Lulzim Berisha, kunatit të tij, Plarent Dervishaj, Indrit Taulla dhe L. Reci, për vrasjen e Klodian Saliut. Për shtetasit L. Berisha dhe P. Dervishaj është bërë shpallja në kërkim ndërkombëtar dhe po punohet ngushtësisht me autoritetet e huaja për lokalizimin dhe kapjen e tyre.

Këta të fundit akuzohen edhe për vrasjen e biznesmenit Vajdin Lamaj dhe mikut të tij Artan Arsi.

Po ashtu GJKOK ka caktuar masën e sigurimit “arrest në burg”, ndaj shtetasve Emiljano Shullazi dhe Viktor Ymeri (Imeraj) për vrasjen e Vajdin Lamaj dhe mikut të tij Artan Arsi.

 

Të fundit