Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Vrasja në Elbasan/ Rrëfehet shoferi i ML-së pa targa: Më futën në cep dhe Paplekaj nxori pistoletën. Gjuajti direkt

Politiko 23 Prill 2021, 13:51

Vrasja në Elbasan/ Rrëfehet shoferi i ML-së pa targa: Më

Mehmet Greca, shoferi i mjetit tip ML pa targa që u ndalua nga "Grupi i Mbrojtjes së Votës" së Partisë Demokratike në Elbasan me 21 Prill,ngjarje që përfundoi me vrasjen e Pjerin Xhuvanit nga Arbër Paplekaj, ka rrëfyer për Top Channel versionin e tij të ngjarjes.

Greca tregon se fillimisht Paplekaj së bashku me 5-6 shokë të tij e kishin kapur dhe e kishin futur në një cep, duke i kërkuar telefonin dhe duke e pyetur se pse mblidhte vota për Partinë Socialiste.

Më pas, siç tregon Mehmet Greca, aty kaloi Pjerin Xhuvani dhe u kërkoi simpatizantëve të PD që ta linin të lirë, por Arbër Pepkolaj e ka qëlluar menjëherë me armë zjarri, duke e lënë të vdekur në vend. 

Greca tha se nuk ka parë asnjë tjetër të qëllojë me armë zjarri. Për sa i përket makinës që ishte pa targa, Greca tregoi se kihste vetëm 20 minuta që ia kishte hequr për shkak se ishte në pikën e kolaudimit.

“Si gjithmonë isha këtu para shtëpisë time. Më thirrën 5-6 persona, i kam takuar aty mbrapa. Më kanë futur prej krahu, njëri ka njerrë pistoletën dhe më futun te cepi. Kërkonin telefonin tim. “Pse kërkon vota për PS-në” më thanë. “Kërkoj vota për PS-në, po bëj muhabet me shokët”, i thashë. Duke më kap këta çunat, duke më sharë, kalon ai zotëria që u bë viktimë, më pa që më kishin kapur dhe u tha “mos e kapni”. Ky që kishte armën e gjuajti. Afër njëri-tjetrit ishin. Viktima erdhi për t’i thënë “e lini se gjynah”. Ai tjetri i gjuajti direkt, i ka gjuajtur shumë herë. Kam parë viktimën dhe kam ikur me vrap se u tremba. Në fillim kujtova se ishin policë. Këtu erdhën mbi 6 veta, pastaj u bënë shumë se erdhën 2 fugona të tjerë. S’kam parë njeri tjetër të qëllojë përveç atij”, tha Mehmet Greca.

Ndërsa i pyetur nëse Klement Xhaferri ka qenë në vendngjarje, ai u shpreh, “Me Klement Xhaferrin ne jemi rriur, pork a një vit e ca që nuk e kam parë. E dhashë dëshminë në polici. Ata më thoshin që kisha në makinë lista e kështu gjërash. Kisha vetëm postera që kemi marrë. Makina ishte pa targa sepse kisha vetëm 20 minuta që i kisha hequr, mund ta shikoni te kolaudimi nga kamerat”, shtoi ai.

Të fundit