Zjarri te Sarajet, Veliaj: I qëllimshëm! Rama ka autorizuar shpronësimin e pershpejtuar

Vjen reagimi i kreut të bashkisë së Tiranës, Erion Veliaj pasi godina te Sarajet e Toptanëve në qendër të Tiranës u përfshi nga flakët në mesnatë.

Në një postim në twitter, Veliaj e ka cilësuar ngjarjen të qëllimshëm me qëllim sipas tij që pronarët të ndalojnë shpronësimin.

“Mbreme ne oren 23 49 policia bashkia prane AMK - po, ata qe sulmonte Presidenti - kane njoftuar sallen operative per zjarrvenie prane Monumentit te Kultures njohur gjeresisht si Sarajet. Ne pak minuta zjarrfikesit kane shuar zjarrin e qellimte ne 2 vatra.

Ne dallim nga shumë objekte per te cilat behet zhurme pa lidhje si Lodrat tek Liqeni apo ngrehina e tallashit te TK, objekti Sarajet ESHTE monument kulture.

Dje, nen stilin e Shkolles Kosova, u tentua djegia e objektit nga dritarja e pasme qe pronaret te ndalojne shpronesimin”, thekson Veliaj, i cili ka publikuar edhe një moment kur autori i dyshuar largohet me shpejtësi.

“Kamerat e sigurise kane kapur zjarrvënësin teksa largohet perballe Torre Drin, Policia e Shtetit  po punon per ta çuar ne pranga.

Por zjarrvenesit e vertete jane porositesit - edhe per keta nuk do kete meshire. Politikane qe diten merakosen per lodrat, e naten zjarrin qytetit!”, thekson kryebashkiaku.

Ai tregon se pas ngjarjes ka biseduar me kryeministrin Edi Rama i cili ka autorizuar shpronësimin e përshpejtuar per Sarajet si nje nga aktet e para te qeverise se re.

“Ne mesnate bisedova me KM Edi Rama i cili ka autorizuar shpronesimin e pershpejtuar per Sarajet si nje nga aktet e para te qeverise se re.

Ta harrojne qe aty do kete ndertim, e ta harrojne qe aty do kete zjarr gjer sa te behet shpronesimi. Nga sot ka nisur regjimi 24h roje!

Ngjarjet do rrjedhin si me poshte:

1. Shpronesim per 18 pronaret (jo te gjithe jane politikane piromane)

2. Shpallje Muze si ish Legata e Pare Flag of United States ne Tirane dhe monument kulture

3. Rikonstruksion dhe hapje per publikun”, shkruan Veliaj.