Flash News

U mor e pandehur nga SPAK, Kryemadhi: Kryeprokuror i BKH është Edi Rama

Pastroi paratë e Çopjave, arrestohet në Dubai Armis Stafa

Partia Demokratike ankimon rezultatin e zgjedhjeve në Korçë

P*rdhunoi vajzën e tij të mitur, arrestohet 60-vjeçari (EMRI)

Milan njofton zyrtarisht emërimin e Igli Tares si Drejtor Sportiv

KRYESORE

Foto/ Si është projektuar të duket kompleksi ‘Tirana Splendor’, aty ku sot ndodhen shtëpitë e protestuesve të ‘Astirit’

Politiko 20 Dhjetor 2018, 15:22

Kompania ‘Interte Express’ planifikon të ndërtojë në Tiranë një kompleks me 100,000 metra katror zonë banimi. Sipas raportimeve në media, kompleksi planifikohet të ndërtohet në zonën e ‘Unazës së Re’, aty ku protestojnë prej muajsh banorët.

Nga të dhënat në QKR rezulton se kompania është në pronësi të Mond Begës, dhe, sipas Partisë Demokratike, bëhet fjalë për mikun e deputetit Taulant Ballës, i dënuar në Itali për trafik droge. Fakti se Bego po kërkon të ndërtojë në zonën ku ndodhen sot shtëpitë e banorëve të ‘Astirit’ është denoncuar edhe nga kreu i opozitës, Lulzim Basha.

Sipërfaqja e ndërtimit e ‘Tirana Splendor’ arrin në 167.000 metra katror, ndërsa kosto e ndërtimit kap shifrën 60.000.000 euro.

Ja çfarë parashikon projekti: “Në një kontekst që duhet të ri-zhvillohet, ndërhyrja përbëhet nga dy oborret lidhëse me rreth 100,000 metra katror zonë banimi, dy sheshe për këmbësorë me shërbime të bashkangjitura dhe një qendër tregtare prej 11,000 metra katrorë. Sipër një bazamenti në travertin të vazhdueshëm në të dy oborret, por të zbrazur në pikat e hyrjes me vrima trapezoidale, jane vendosur shtatë blloqe të mbuluara në siperfaqe me qeramike gurezash diamanti reflektuese ndërsa brenda oborreve, me panele metalike të artë.”

Një tjetër detaj interesant është se ky projekt ishte parashikuar të fillonte zbatimin në muajin tetor të këtij viti, çka përkon me lajmërimin e banorëve të “Astirit” për të braktisur shtëpitë dhe më pas fillimin e protestës.

Këto të dhëna konfirmohen edhe në faqen e ‘Misalab’, që është edhe projektuesi i ‘Tirana Splendor’. Por aty çuditërisht mungon vendndodhja e saktë e projektit, por flitet vetëm për zonë “në perëndim të Tiranës, që është pjesë e një programi transformimi të fortë urban me një bulevard të ri që do të përcaktojë imazhin e saj. Sipas planifikimit urban përcaktohet si një zonë me densitet të lartë.”

Banorët denoncojnë se dëmshpërblimi që ata do marrin për shkak të prishjes së shtëpive (sipas institucioneve preken vetëm nga zgjerimi i rrugës) është qesharak dhe jo në përputhje me vlerën e tregut. Gjithashtu, shumë banesa janë nxjerr papritur jashtë listës së legalizimeve, vendim që është kritikuar edhe nga Avokati i Popullit.

Të fundit