Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Hera e parë që më ka ndodhur”, gazetari nga Kosova tregon prapaskenat nga intervista me Ramën: Pse mu desh të kthehesha sërish në Tiranë

Politiko 26 Qershor 2020, 12:06
“Hera e parë që më ka ndodhur”, gazetari nga Kosova

Kryeministri Edi Rama jo pak herë është i gatshëm për t’u intervistuar edhe në mediat jashtë Shqipërisë.

Mbrëmë, Rama pati një intervistë në Klan Kosova me gazetarin Adriatik Kelmendi, por ky i fundit ka treguar se si i është dashur që intervistën me kryeministrin shqiptar ta zhvillojë dy herë.

Shkak sipas tij janë bërë zhvillimet e paprituara dy ditë më parë, me publikimin e aktakuzës ndaj Hashim Thaçit dhe Kadri Veselit.

“Kjo më ka ndodhur për herë të parë për 16 vjet Rubikon - dje e kishim regjistruar një intervistë të gjatë me kryeministrin e Shqipërisë Edi Rama, e cila një orë më pas doli të ishte jashtë kontekstit, për shkak se publikimi i aktakuzës ndaj Thaçit dhe Veselit ndërroi gjithçka. U pajtuam bashkë me Ramën që sot ta bëjmë një intervistë tjetër, për të folur për situatën e re të krijuar. Dhe u ktheva sërish sot në Tiranë.

Nuk e di ende se cila prej këtyre dy intervistave është më e mirë. E djeshmja ishte tepër dinamike, me akuza e kundërakuza - madje edhe mes meje dhe kryeministrit- kjo e sotmja është më e thellë dhe reflektuese. Në fakt, ndoshta do të jetë intervista më e qetë dhe përmbajtësore që ka dhënë Rama viteve të fundit.

Në një orë e gjysmë ai flet se përse teksti i aktakuzës është skandaloz; Si duhet t’i përgjigjen Thaçi dhe Veseli aktakuzës; A duhet të japë dorëheqje Thaçi; Kush dhe pse po e fragmentizon politikën shqiptare në dobi të Serbisë; Pse Haradinaj humbi shansin për liberalizim vizash me Macron në Berlin dhe a është penduar për padinë që ia ka bërë; Pse Kurti harroi flamurin kombëtar dhe bashkimin kur hyri në zyrën e kryeministrit; Çka vlerëson te kryeministri Avdullah Hoti; A ka dështuar procesi i dialogut me Serbinë; A do ta organizojë takimin e liderëve gjithëkombëtarë sipas kërkesës së Pacollit... dhe shumë ekskluzivitete të tjera.

Kurse për intervistën e djeshme u dakoruam që ta transmetoj më vonë, në stilin e Kadaresë që boton sot romanet e mbajtura në sirtar me dhjetëra vjet”, shkruan gazetari i Rubikon.

Lexo edhe: Rama njofton takimin e parë zyrtar me Avdullah Hotin kryeministër: Ka vite që ka një degradim të madh në Prishtinë

 

Të fundit