Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ish-zv.presidenti i Partisë Evropiane Socialiste ‘shuplakë’ Ramës: Ai është ‘bosi i madh’, pse s’ pranohen këta liderë në BE

Politiko 22 Tetor 2019, 13:43
Ish-zv.presidenti i Partisë Evropiane Socialiste

Ndërsa kryeministri Edi Rama vazhdon të largojë të gjitha përgjegjësitë nga vetja lidhur me refuzimin e nisjes së bisedimeve për anëtarësim me BE, zyrtarë të lartë ndërkombëtarë e hedhin poshtë këtë pretendim.

Jan Marinus Wiersma, ish- eurodeputeti holandez dhe ish-zv,presidenti i Partisë Evropiane Socialiste ka bërë një analizë të refuzimit të Shkupit dhe Tiranës për procesin e negociatave.

Në një intervistë të zhvilluar për European Western Balkans, ditën e dytë të Forumit të Sigurisë në Beograd, pak para vendimi të KE, ai u pyet ndër të tjera nëse duhet të zgjerohet më tej BE-ja.

“Ka të bëjë me një frikë shtesë, duke pranuar dy ose tre vende që mund të kenë një ndikim shqetësues. Dhe nëse hidhni një sy rolit të Presidentit Vuçiç këtu në Serbi, ai është disi autoritar, Đukanović edhe në Malin e Zi. Edi Rama është gjithashtu një “bos i madh” në Shqipëri, dhe unë mendoj se Zaev ka një profil disi të ndryshëm. Kështu që unë e kuptoj që ekziston një hezitim i caktuar për të pranuar këtë lloj liderësh në BE, ku ne kemi tashmë probleme.

Unë personalisht mendoj se është diçka që mund ta kontrollosh duke qenë e rreptë. Unë jam në favor të prezantimit të një sistemi monitorimi mbi demokracinë dhe sundimin e ligjit pasi vendet të jenë anëtarësuar në BE. Kjo do të vlejë për të gjitha vendet - Holandën dhe Suedinë gjithashtu. Unë jam shumë në favor të kësaj. BE ka bërë një gabim të madh duke i lejuar vendet të anëtarësohen në 2004, 2007 dhe 2013 pa qenë plotësisht të sigurt se këto themele ishin mjaft të forta dhe nëse udhëheqja po respektonte rregullat e demokracisë, qoftë formale ashtu edhe joformale”, u shpreh ish-zv.presidenti i Partisë Evropiane Socialiste.

Nga ana tjetër, kreu i PD, Lulzim Basha i ka kërkuar kryeministrit zgjedhje të parakohshme dhe të ndjekë shembullin e Maqedonisë së Veriut, pasi Zoran Zaev, ashtu siç kishte premtuar, e çoi vendin në zgjedhje të parakohshme në 12 prill.

Kurse Rama, tha se refuzimi erdhi për shkak të problemeve të brendshme të BE dhe se çdo lloj vendimi që do të merrej për Shqipërinë, ‘dielli lind sërish’.

Refuzimi i negociatave me Shqipërinë/ Analiza e Spiegel: Reformat kanë ngecur, Rama kultivon stil autoritar në politikën e brendshme

Të fundit