Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Java në GIF: Nga batuta e Berishës te justifikimet e Fugës

Politiko 10 Shkurt 2019, 16:20

Ina Xhani

Kjo javë ishte e vështirë, sidomos nëse ke ndjekur lajmet. Që nga batutat pa vend tek masterat e keqkomunikimit, kjo ishte e gjitha një javë WTF!!!!

Humor politikanësh

‘Si jeni, a keni frikë se do keni fatin e Khashoggi-t?”, u shpreh ish-Kryeministri Berisha të enjten teksa hynte në parliament.

Hëm andej, hëm këndej

Edi Rama thyen “bllokadën” e Evropës, dhe bëhet kryeministri i parë që viziton Arabinë Saudite pas vrasjes së gazetarit Khashoggi. Në 5-6 shkurt Rama zhvilloi vizitë dy ditore në këtë shtet, ku u takua me liderët kryesorë, si dhe me Mbretin Salman.

(zh)Drejtësia jonë

Gjykata e Apelit ka rrëzuar vendimin për burgim të përjetshëm për Dritan Dajtin, i cili vrau katër policë në gusht të 2009-ës, në qytetin e Durrësit. Për këtë ngjarje të rëndë, Dajti do të vuajë 25 vite burg, pasi trupi gjykues ka pranuar kërkesën për gjykim të shkurtuar. Duke qenë se ka qëndruar për 10 vite në burg, atij nuk i kanë mbetur më shumë se 10 vite heqje lirie

Pensione ka, por nuk ka pensionista

Duke u munduar që të mbronte rritjen e moshës së pensionit, ish-Ministri Ahmetaj ka sqaruar se në Shqipëri nuk quhet më i vjetër një 70-vjeçar, duke shtuar se: “Jetëgjatësia në Shqipëri është nga më të mirat në rajon”.

Elisa në botën e çudirave

Elisa Spiropali është prononcuar aq shumë këtë javë (dhe ne e dimë se çfarë ndodh kur prononcohet ajo) sa që meriton rubrikën e saj në WTF në GIF-e. E filloi të martën me këtë koment për rastin e Kavajës.

"Raste të tilla fatkeqësisht ndodhin edhe në vende të tjera të zhvilluara, edhe në Amerikë, në Suedi, bëhen edhe filma për raste të tilla të tmerrshme që kanë një ndjeshmëri të madhe sociale, ama asnjë parti politike në këto vende nuk del për ta përdorur rastin për politikë dhe për të gjetur fajtorin, shkaqet e pasojat te qeveria e një vendi”.

Meqë kinematografia tek ne nuk është aq e zhvilluar sa për të bërë filma me ndjeshmëri sociale, Spiropali hoqi kapelën e poetes, veshi atë të regjizores dhe u nis për në Kavajë për të realizuar filmin e saj, nën logon ERTV. E veshur me të zeza, ajo u takua me prindërit e vajzës së dhunuar dhe zbuloi identitetin e tyre (dhe rrjedhimisht të vajzës). Videon e postuar në ERTV e shoqëroi me këto fjalë: “Ata ndjehen të pambrojtur nga agresioni publik i politikës e medias dhe luten për respektimin e privatësisë së vajzës.” Dhe ne të gjithë e dimë se mënyra më e mirë për të respektuar privatësinë e dikujt është të postosh video në faqen e Kryeministrit.

E përballur me kritika nga shoqëria civile dhe media, Spiropali publikoi një tjetër video, ku sqaron se përse shkoi me kamera te familja e viktimës. Si gjithmonë fajin e ka media që manipulon ngjarjen (le ta harrojmë faktin që të gjithë e pamë videon tek ERT) dhe populli dashakeqës që nuk ka pak emancipim. Videoja e dytë shoqërohej me diçiturën: “Solidaritet njerëzor dhe përulje me respekt, për familjen që ra viktimë e terrorit politik e mediatik, por qëndroi me një dinjitet emancipues për t’u marrë shembull”. Ok, mesa duket do e injorojmë faktin që këto mund të bëheshin edhe pa praninë e kamerave dhe pa zbuluar identitetin e familjes?

Fuga to the rescue

Ju jeni pikërisht një nga ata që detyruat prindërit të reagonin gjatë vizitës së Elisa Spiropali në Kavajë. Në vend që të dëgjoni thirrjen e babait të vajzës, vazhdoni të bëni politikë me një ngjarje fatkeqe”, shkruan Fuga teksa publikon artikullin e ‘Politikos’ ku janë pasqyruar të gjitha reagimet.

Elisa e vërtetë

Në seancën parlamentare të së enjtes, deputetja Silva Caka (LSI), duke ju referuar deklaratës së Spiropalit se ngjarje si të Kavajës janë bërë edhe filma, e ka pyetur atë se si do të reagonte nëse ngjarja do t’i ndodhte vajzës së saj. Përgjigjja e Spiropalit: “Ej, mos më bëj politikë me fëmijët. Vajzën time nuk guxon ta përmendësh këtu, llaxore. Mbylle moj gojën, më përmend vajzën ti mua këtu, qelbësirë”.

Por ka shpresë...

Për arsye që kërkuesit ende s’i kanë kuptuar, gratë që pinë një gotë verë në ditë janë më të dobëta se ato që s’pinë. Dhe pas një jave të tillë, na e do shpirti një gotë verë.