Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

‘Je turpi i shqiptarëve’, flet i riu që i prishi takimin: Rudina Hajdari po na sjell komunizmin, pse e ‘sulmova’

Politiko 26 Shtator 2019, 15:18

‘Je turpi i shqiptarëve’, flet i riu që i prishi takimin:

Deputetja dhe kryetarja e Grupit Parlamentar Demokrat, Rudina Hajdari është përballur me një incident gjatë fjalimit të saj në Shkodër.

Ajo ishte e pranishme në shkollat “Shejnaze Juka” dhe “Azem Hajdari” në ditën europiane të Gjuhëve të Huaja, kur një i ri ka ndërhyrë gjatë fjalimit të saj, duke e cilësuar si ‘shtojcë të Edi Ramës dhe turp të shqiptarëve’

Ai quhet Fatjon Mani . Në një intervistë për “BalkanWeb”, Mani, i cili është edhe anëtar i Forumit Rinor të Partisë Demokratike tregon arsyet se përse e ndërmori këtë veprim. Ai e akuzon deputeten, se po lufton për të sjellë komunizmin.

Fatjon si ndodhi ai incident mes jush dhe zonjës Rudina Hajdari? Cili ishte synimi juaj ose si arritët të hyni në auditor?

Kam hyre tek shkolla, tek Gjuhët e Huaja pikërisht aty ku opozita ka bërë një protestë që është akuzuar për djegien e KZAZ-së dhe pikërisht aty desha të mos e lejoja Rudina Hajdarin për të bërë takimin. Sepse gjitha shkollat e Shkodrës janë thyer nga pushteti dhe qeveria e Ramës dhe asnjë fjalë nuk ka folur për to. Pikërisht aty ku opozita ka bërë një protestë për të mos lejuar votimet farsë të 30 qershorit, pikërisht aty erdhi dhe Rudina.

Pse pikërisht zgjodhët zonjën Rudina Hajdari?

Në radhë të parë ajo nuk është përfaqësues e opozitës. Aty ka ardhur me votat e Partisë Demokratike. Partia Demokratike është në rrugë, është me popullin, nuk është në parlament dhe kjo nuk përfaqëson askënd. Ka ardhur si deputete.

Si hytë në shkollë?

Pak rëndësi ka si kam hyrë. Kam hyrë kur ka hyrë dhe Rudina. Rudinës i kam thënë a e njeh Azemin, se nuk është bijë e saj. Azemi ka luftuar për të sjellë demokracinë në Shqipëri, kjo po lufton për të prurë komunizmin. E bija e Azemit duhet të ishte në rrugë, duhet të ishte me popullin.

A patët ndonjë problem pas ngjarjes?

Jo asnjë problem, thjesht kam dalë jashtë dhe kaq.

Ju jeni njëkohësisht anëtar i FRPD?

Jam anëtar i FRPD Shkodër si të tërë të rinjtë që duhet të jenë kundër këtij pushteti. Kjo është një arsye shumë e madhe për të mos lejuar Rudinën dhe shumë Rudina të tjerë që vijnë në Shkodër.

Jeni një ndër të dyshuarit për djegien e KZAZ në shkollën “Shejnaze Juka”?

Jam një nga të dyshuarit dhe kam qenë person në kërkim nga policia. E them hapur sepse Shkodra është demokraci, Shkodra është e dëshmorëve të demokracisë. Ne e dimë historinë e Shkodrës. Është djegur tërë Shkodra për të luftuar komunizmin dhe sot ka ardhur komunizmi në Shqipëri e duhet luftuar prapë me protesta, për të prurë edhe njëherë demokracinë në Shqipëri. Kërkimi policor ka mbaruar. Jam akuzuar për djegien e KZAZ në shkollën “Shejnaze Juka”.

Unë vazhdoj studimet e larta në Tiranë për asistent i lartë ligjor.

Video/ Incident në fjalimin e Rudina Hajdarit në Shkodër: Je turpi i shqiptarëve; Halit Valteri bën ‘truprojën’