Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Karantina me 5 pyetje/ Artan Hoxha: Pas Covid-19 druaj se bota do të bëhet më egoiste

Politiko 14 Prill 2020, 16:06

Karantina me 5 pyetje/ Artan Hoxha: Pas Covid-19 druaj se bota do të

Artan Hoxha, të cilin më shumë se si akademik e njihni si analist të emisionit ‘Opinion’, e vazhdon jetën e mëparshme, por online. Si administrator i TUBC (Tirana Business University College) i duhet të jetë vazhdimisht në lidhje me stafin dhe studentët.

Nuk shoh kthjelltësi te institucionet që duhej ta kishin, thotë ai në këtë intervistë për Politiko.al

Çfarë imagjinoje (të vinte në mend) kur dëgjoje fjalën ‘karantinë’ para se ti (dhe bota) të përballeshme me Covid-19?

Artan Hoxha: Fjala karantinë më sillte ndër mend, në rastin më të mirë, tregimet e Dekameronit, e në rastin më të keq filma me fantazi shkencore.

Cilat janë kufizimet më të mëdha që të ka sjellë karantina? A ka ndonjë plus?

Artan Hoxha: Më ka ndaluar kontaktin e drejtpërdrejtë me studentët dhe stafin, bisedat e përditëshme e të përminutëshme me ta, në grupe të vogla a individualisht, në mjediset e shkollës. Lidhjet online nuk e zëvendësojnë dot plotësisht takimin e komunikimin e drejtpërdrejtë real. E njëjta vlen edhe për miqtë e shokët. Sa për ndonjë plus, ky nuk mungon në ccdo rrethanë. Gjithnjë gjendet një aspekt pozitiv në ccdo gjendje të keqe dhe anasjelltas. P.sh. më shumë kohë me familjen.

Si mendon se do të ndryshojë bota pas Covid-19?

Artan Hoxha: Shpresoj të ndryshojë për mirë, ndoshta më solidare për shkak të dhimbjes nga humbjet njerëzore. Por, druaj se do ndryshojë për keq, më egoiste për shkak të humbjeve financiare.

Çfarë të ka bërë përshtypje gjatë kësaj kohe të përballjes me Covid-19: çfarë të ka bërë më pesimist apo optimist?

Artan Hoxha: Çfarë po ndodh e si po flitet, më së shumti përforcon pesimizmin. Konfuzioni është i lartë edhe tek institucionet që supozohet se do të duhej të ishin më të kthjelltët. Por, mbetet gjithnjë një besim te shkenca që do ta gjejë një zgjidhje dhe respekti për njerëzit që vijojnë punët dhe shërbimet ndaj të tjerëve në ccdo fushë a sektor, për mjekët dhe infermierët më së pari, por jo vetëm për këta - edhe për policin apo bukëpjekësin, ushtarakun apo gazetarin, nëpunësin apo mësuesin.

Si ka shkuar koha gjatë karantinës: mund të përshkruash ditën tipike në izolim? Cilët filma dhe libra do të sugjeroje për karantinën?

Artan Hoxha: Dita tipike dominohet nga vijimi i punës online, pasi vijon mësimi online në Tirana Business University College. Vijon online ofrimi i shërbimeve të tjera ndaj studentëve. Dhe për të njëjtin rezultat kërkohet më shumë kohë e konsumuar sesa më parë. Ndaj dita e punës është më e gjatë se para 9 marsit, ndonëse kjo mund të duket disi paradoksale. Ndaj, jo më shume por edhe më pak kohë për libra artistikë a filma, për të cilët nuk jap rekomandime se kanë të bëjnë me shijet e këto as sugjerohen dhe as diskutohen.

©Politiko

https://politiko.al/karantina-me-5-pyetje-bardh-kadilli-rama-me-kujton-gjujtsat-qe-rrinin-te-dera-e-gjimanzit/

Intervista te tjera te Ciklit