Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kërcënimi i Prokurorisë me 5 vite burg, juristi sqaron gazetarët: Mos u trembni, është presion banal dhe i pakuptimtë

Politiko 5 Qershor 2019, 19:33

Kërcënimi i Prokurorisë me 5 vite burg, juristi sqaron

Juristi Jordan Daçi deklaron se kërcënimi i Prokurorisë së Krimeve të Rënda se kush publikon materiale të dosjes 339 mund të dënohet deri në 5 vite burg, nuk i prek gazetarët. Sipas Daçit, nenti 295/a i Kodit Penal, të cilit i referohet Prokuroria, nuk është bërë për gazetarët, por për subjektet e procedimit penal si: prokurorët, gjyqtarët, mbrojtësit; si dhe personat e tjerë që marrin pjesë në proces si: përkthyesit, ekspertët etj.

Daci e konsideron paralajmërimin e Prokurorisë si presion banal dhe të pakuptimtë, por që mund të lidhet edhe me informacionin e rëndësishëm që ka në atë dosje dhe që mund të publikohet në vijim.

Reagimi i plotë i Jordan Dacit

Një freskim i dijes përsa i përket zbatimit të nenit 295/a të Kodit Penal

Të dashur gazetarë, mos u trembni nga zbatimi i nenit 295/a i Kodit Penal të RSH, sepse fatmiresisht nuk është i njëjtë me nenin 55 të Kodit Penal të PPSH…

Së pari, që një person të mbajë përgjegjësi sikurse pretendojnë prokurorët, duhet që së pari të jetë funksionar publik ose një person i ngarkuar me një shërbim publik që gjatë detyrës bie ne kontakt me të akte ose të dhëna sekrete hetimore. Sigurisht, ju si gazetarë nuk jeni të tillë në kuptim të këtij ligji.

Së dyti duhet të jeni prokuror ose officer i policisë gjyqësore dhe ju nuk jeni as të tillë, por edhe nëse do të ishit, do të mbeteshit pa punë se informacionet do i ishin dhënë kërkuesit më të parë :P sikurse bëjnë vazhdimisht dhe pastaj bërtasin kush i nxori… ju e dini më mirë se si veprojnë në të tilla raste… :P!

Së treti, duhet që një person tjetër të ketë dijeni dhe të jenë paralajmëruar më parë nga prokurori ose OPGJ për moszbulimin e tyre. Paralajmërimi duhet të jetë individual dhe nëpërmjet një dokumenti të shkruar ku vetë personi, konfirmon që ka marrë dijeni dhe zotohet të ruaj sekretin dhe njoftimi publik ose fletërrufeja e Krimeve të Rënda nuk e plotëson këtë kriter…

Së katërti, ky nen nuk është bërë për gazetarët, por për subjektet e procedimit penal si: prokurorët, gjyqtarët, mbrojtësit; si dhe personat e tjerë që marrin pjesë në proces si: përkthyesit, ekspertët etj. Për më tepër, që një informacion nuk është më sekret kur bëhet publik, kështu që ripublikimi i një publikimi nuk është më publikim.

Se pesti, besoj kuptohet që është thjesht presion banal, i pakuptimtë, por mund të jetë edhe paralajmërim i asaj cfarë fshihet në ato qindra disqe që s’kam asnjë pikë dyshimi që janë kopjuar të gjithë dhe shpërndarë aq shumë sa tani se kanë idenë se nga mund të kenë dalë…

Frika e ruan vreshtin, por jo pasi vilet se pas vjeljes s’ka nevojë më ta ruaj njeri … Kështu që mos e vrisi mendjen, se gjermani e ruan vetë miellin.