Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Klima e biznesit/ Yuri Kim: Shqiptarët të lodhur nga politika, duan rezultate e jo lojëra faji mes palësh; Jaçe: Rënia më e madhe në 8 vite

Politiko 29 Qershor 2020, 11:44

All - Paragraf - 1

Ambasadorja e SHBA, Yuri Kim ka përcjellë një mesazh të fortë dhe të qartë për qeverinë dhe klasën politike shqiptare sa i takon klimës së biznesit, tashmë të goditur edhe nga fatkeqësitë natyrore të muajve të fundit, fillimisht nga tërmetet dhe tanimë edhe nga pandemisë covid-19.

All - Paragraf - 3

Në fjalën e saj, në prezantimin e Dhomës Amerikane e Tregtisë së indeksit të biznesit për 2019-ën, Kim bëri përgjegjëse politikën shqiptare, konkurrencën e padrejtë dhe korrupsionin për frenimin e ekonomisë dhe mungesën e investimeve amerikane.

Për këtë, Kim ka kërkuar jo vetëm prej Dhomës së Amerikane, por edhe qeverisë që të lejë mënjanë lojërat e fajit mes palëve, por të fokusohet në rezultate konkrete.

“Vec tërmeteve vendi ka patur situatën e covid, duke qenë frenues për ekonominë. Ka problematika strukturore që pengojnë investimet amerikane në Shqipëri dhe këto janë çështje që janë të dukshme. Ka diçka që Shqipëria mund të bëjë për to, ndaj shpresoj të bashkëpunojmë për t’i trajtuar.

Disa prej tyre janë klima politike, konkurrenca e padrejtë dhe korrupsioni. Ndikon gjithçka. Në prioritetet që kam në Shqipëri janë rritja e marrëdhënieve për mbrojtjen, mbështetja e vendit si vend demokratik dhe rritja e investimeve amerikane në Shqipëri, secila prej tyre ndikohet nga korrupsioni.

Ndaj në vend që të caktojmë se kush e ka fajin për këto probleme, shpresoj që komuniteti i biznesit bashkë me mbështetjen e ambasadës amerikane do të shikojë për zgjidhje praktike për të trajtuar këto çështje.

Pikëpamjet tuaja do jenë vendimtare në këto përpjekje. Jam kureshtare të di se cili është vizioni i Dhomës amerikane së tregtisë për Shqipërinë, rekomandimet si të krijohen vende pune, si të tërhiqen investimet e huaja, si të rriten mundësitë për të rinjtë.

Këto janë pyetje për Dhomën amerikane të tregtisë, por le të jemi të sinqertë janë edhe për qeverinë. Ju jeni ata që mbani cilësinë për këto pyetje, por edhe përgjigje ndaj tyre.

Palët e interesuar në ekonominë shqiptare duhet të bashkohen për të prodhuar, duhen zgjidhje proaktive.

Fakti që situata politike doli në krye të listës së shqetësimeve tregon se shqiptarët janë të lodhur nga politika, ata duan zgjidhje dhe jo të vazhdohet në një lojë faji ku njëra palë fajëson tjetrën. Ata duan të shohin që udhëheqësit të punojnë së bashku, që qeveria tu ofrojë mundësi pa korrupsion, për një standard të mirë jetese në Shqipëri.

Sic e ka thënë Kenedi për politikën e shëndoshë, “batica i ngre të gjitha anijet” dhe ne duam ta shohim këtë të ndodhë në Shqipëri.

Ju sfidoj të gjithë këtu në qeverisje ose jo që ta përdorni këtë raport për të fituar njohuritë mbi atë që duhet të rregullohet, duhet ndryshuar dhe të ecni përpara. Populli shqiptar do rezultate, nuk do ofendime, duan vizion dhe jo ndarje”, u shpreh ambasadorja e SHBA në Tiranë.

Deklaratat e Kim erdhën në prezencë të ministrit për sipërmarrjen Eduard Shalsi, ish deputetes së PD Jorida Tabaku, por edhe kreu i Dhomës Amerikane të Tregtisë, Eni Jaço.

Kreu i Dhomës Amerikane të Tregtisë: Rënia më e madhe gjatë qeverisjes ‘Rama’

Kreu i Dhomës Amerikane të Tregtisë, Enio Jaçe thekson se klima e biznesit në Shqipëri është përkeqësuar, si dhe ka shënuar rënien më të madhe të indikatorëve në tetë vitet e fundit.

Në konferencën ‘Rritja ekonomike fillon me klimën e biznesit’, ku u prezantua indeksi i biznesit, Jaçe tha se shumica e anëtarëve të dhomës së tregtisë e konsiderojnë klimën aktuale të pafavorshme.

Lexo edhe: Tabaku me Dhomën Amerikane të Tregtisë: Në 7 vjet, gjendja u përkeqësua. Duhet ndryshim përmes një politike të re fiskale