Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

Kosova

Grenell: E paprecedentë që Kosova të dënohet nga Shtëpia e Bardhë dhe Departamenti i Shtetit

Politiko 18 Shtator 2023, 18:28

Grenell: E paprecedentë që Kosova të dënohet nga

Ish -emisari i presidentit Donald Trump për bisedimet Kosovë –Serbi, Richard Grenell ka deklaruar se kryeministri i Kosovës, Albin Kurti me veprimet e tij në Veri ka sjellë një dënim në unison nga komuniteti ndërkombëtar.

Në një intervistë për T7 , ai tha se është e paprecedentë që Kosova të dënohet nga Shtëpia e Bardhë dhe Departamenti i Shtetit.

Ai shtoi se nga ato që dëgjon në Uashington nga njerëz të punësuar në State Departament ka një frustrim me Kurtin.

“Kosova ka qenë gjithmonë një mik unik për SHBA-të, por të kesh dënim nga Departamenti i Shtetit i Joe Biden dhe Demokratët, të kesh dënim nga Shtëpia e Bardhë e Joe Biden dhe Demokratët ndaj një udhëheqësi të Kosovës është e paprecedentë dhe e tërë unike, dhe populli i Kosovës duhet ta kuptojë se deklarata e 3 qershorit që komuniteti ndërkombëtar bëri, duke kërkuar nga Albin Kurti të ndalojë veprimet unilaterale dhe të ndërmarrë hapa specifikë…” ka thënë Grenell në një intervistë për T7.

“Ai nuk e ka bërë këtë, dhe do të ketë pasoja. Dëgjoj këtë në mënyrë të vazhdueshme nga Departamenti i Shtetit dhe njerëzit që punojnë aty, janë shumë të frustruar me Albin Kurtin” ka shtuar ai.

Grenell ka thënë se Kurti e ka ndryshuar reputacionin e Kosovës në skendën ndërkombëtare.

“Ne e dimë që për vite të tëra janë bërë marrëveshje të shumta për krijimin e Asociacionit të Komunave Serbe. Kjo nuk është bërë, kështu që Albin Kurti ka ndryshuar reputacionin e Kosovës në skenën ndërkombëtare. E di që ka shumë njerëz në Kosovë që e duan Albin Kurtin dhe më pëlqen mesazhi i tij kundër korrupsionit dhe pastrimit të qeverisë së Kosovës, ka shumë korrupsion në Ballkan, dhe më pëlqen ky aspekt. Më pëlqen që flet për përfshirjen e të rinjve. Dhe sigurisht që kemi parë shumë të rinj të përfshirë. Por të mos kemi dyshim, Albin Kurti ka ndërmarrë veprime unilaterale që kanë sjellë dënimin nga komuniteti ndërkombëtar si kurrë më parë”, ka theksuar ai.

 

Të fundit