Sulmi ndaj policisë në Veri të Kosovës, shkon në 8 numri i të arrestuarve

Shkon në 8 numri i personave të arrestuar si të dyshuar për sulmin ndaj Policisë së Kosovës në Banjskë të Zveçanit të dielën që lamë pas.

Policia e Kosovës bën me dije se në manastir është gjetur edhe një helmet e Policisë së Kosovës e cila është marrë nga vendi i ngjarjes ku është vrarë rreshteri Afrim Bunjaku. Po ashtu, aty janë gjetur edhe një arsenal armësh si mitraloza, njëzet e dy armë të gjata, dy pushkë gjuetie, nëntë jelekë antiplumb etj.

Policia ka njoftuar se mjetet e konfiskuara dje përbëjnë një veturë rëndë të blinduar, dy vetura dhe një makineri e rëndë (bager), të cilat kanë qenë të mbushura me sasi të madhe e që kryesisht përbëjnë:

• një armë e kalibrit të rëndë (lansues me nitro 30 mm),

• tri armë të kalibrit të rëndë (gulinov me tri tyta),

• dy armë të gjata (mitraloza),

• një snajper (black spear 12.7mm),

• një minahedhës (82 mm),

• njëzet e dy armë të gjata (AK 47),

• një automatik (RPZ),

• dy pushkë gjuetie,

• dy armë të shkurta (revole),

• një granatë dore,

• shtatëdhjetë e katër karikatorë për AK 47,

• nëntë jelekë antiplumb,

• një radiolidhje,

• tetë çanta ushtarake,

• gjashtë uniforma ushtarake.