Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Kosova

Karrierën e nisi si aktiviste e LDK-së, sot i është bashkuar LVV; kush është Vjosa Osmani

Politiko 5 Prill 2021, 08:52
Karrierën e nisi si aktiviste e LDK-së, sot i është bashkuar
Vjosa Osmani

Vjosa Osmani është presidentja e re e Kosovës, e dyta grua që mban këtë post, pas Atifete Jahjagës.

E lindur më 17 maj të vitit 1982 në Mitrovicë, Osmani  ka kryer studimet për drejtësi në Fakultetin Juridik të Universitetit të Prishtinës dhe më tej i ka ndjekur në Shtetet e Bashkuara të Amerikës.

Karriera e saj politike ka nisur si aktiviste e Lidhjes Demokratike të Kosovës dhe më pas, Osmani arriti të bëhej nënkryetare e kësaj partie. Nën siglën e LDK-së ajo u zgjodh deputete në tre legjislatura në Kuvendin e Kosovës.

Vjosa Osmani ka qenë kryetare e Komisionit për Punë të Jashtme, Diasporë dhe Investime strategjike dhe kryetare e Komisionit për Integrime evropiane.

Nga gushti i vitit 2006 e deri në shtator të vitit 2010, Osmani ka qenë këshilltare e presidentit të Kosovës, Fatmir Sejdiu.

Pas shpalljes së pavarësisë së Kosovës më 2008, kur Serbia e kishte kontestuar pavarësinë e Kosovës në Gjykatën Ndërkombëtare të Drejtësisë, Osmani ka qenë pjesë e ekipit ligjor që ka mbrojtur shpalljen e pavarësisë së Kosovës në GJND.

Në zgjedhjet e 6 tetorit të vitit 2019, Osmani ishte kandidate për kryeministre nga radhët e LDK-së. Në këto zgjedhje ajo fitoi 176 mijë vota, duke dalë e dyta më e votuar në Kosovë, pas liderit të Lëvizjes Vetëvendosje, Albin Kurti. Pas rrëzimit të qeverisë Kurti nisën dhe përplasjet mes Vjosa Osmanit dhe drejtuesve të  LDK.

Në qershor të 2020-ës, ajo u shkarkua nga Lidhja Demokratike e Kosovës me arsyetimin se kishte shkelur statutin e partisë, në deklaratat e saj kundër qeverisë së udhëhequr nga Avdullah Hoti.

Pas kësaj, Osmani doli në krah të Albin Kurtit dhe garoi me Vetëvendosjen në zgjedhjet e 14 shkurtit, ku doli dhe deputetja më e votuar ndonjëherë në Kosovë, me 300 mijë vota.

Të fundit