Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

KRYESORE

Pagoi 30 mijë euro për ta vrarë, Naim Murseli i shkoi bashkëshortes në varrim; u takua me autorin e dyshuar para krimit

Politiko 1 Dhjetor 2023, 20:01

Pagoi 30 mijë euro për ta vrarë, Naim Murseli i shkoi

Naim Murseli, ish-këshilltar i ish-presidentit të Kosovës Behgjet Pacolli, u arrestua sot s ii dyshuar kryesor në vrasjen e bashkëshortes së tij, Liridona. 33-vjeçarja u ekzekutua në brendësi të mjetit me të cilin po udhëtonte me bashkëshortin e saj dhe dy fëmijët.

Bashkë me Murselin, u arrestua edhe G. P. autori që dyshohet se ka kryer vrasjen e Liridonës. Ai ka pranuar veprën penale dhe ka rrëfyer para policisë së Kosovës se është paguar 30 mijë euro nga Naim Murseli, për të vrarë 30-vjeçaren.

Pagoi 30 mijë euro për ta vrarë, Naim Murseli i shkoi

Liridona dhe Naim Murseli

Ngjarja u raportua si një grabitje me pasojë vdekjen e një personi. Dy grabitës i ishin afruar mjetitnë të cilën ndodhej familja Murseli dhe pasi kishin marrë të gjitha sendet e tyre me vlerë, kishin qëlluar për vdekje Liridonën. Murseli deklaroi natën e ngjarjes së rëndë se kishte marrë fëmijët dhe ishte larguar nga mjeti, ndërsa grabitësi kishte qëlluar me armë bashkëshorten e tij.

I paqartë është fakti se pse Naim Murseli është larguar nga mjeti vetëm me dy fëmijët e tij pa tentuar të shpëtojë Liridonën. Kjo ngre dyshime edhe pas pamjeve të siguruara nga kamerat në rrugë, ku duket se Naim Murseli dhe autori i vrasjes janë takuar para ngjarjes së rëndë.

Teksa sot del fakti se Naimi i ka paguar autori 30 mijë euro për ta vrarë Liridonën, ish-këshilltari i Pacollit mori pjesë në ceremoninë mortore të Liridonës.

Naim Murseli në varrimin e Liridonës

Arrestimin e Naim Murselit e konfirmoi edhe Prokuroria e Prishtinës, e cila deklaroi se është sekuestruar edhe arma me të cilën dyshohet se është kryer vrasja e Liridonës.

“Sipas urdhëresës së Prokurorit të Shtetit dhe me aprovim të gjyqtarit të procedurës paraprake, Njësiti i Hetimeve të Përgjithshme të Prishtinës, në kuadër të Policisë së Kosovës, kanë realizuar bastisje në dy lokacione në Gjakovë, me ç’rast nga ky aksion janë arrestuar personat G.P. (dorasi) dhe N.M. (bashkëshorti i viktimës), të dyshuar në vrasjen e viktimës, si dhe është sekuestruar arma e cila dyshohet të jetë përdorur në këtë rast.

Aktualisht, të dyshuarit janë duke u intervistuar në stacionin policor, derisa ndaj të njëjtëve prokuroria do t’i ndërmerr veprimet e mëtejme ligjore. Prokuroria në koordinim me policinë po vazhdon me ndërmarrjen e veprimeve hetimore lidhur me këtë rast”, njoftoi prokuroria.