Flash News

100 ditë apo 16 vite?

Kosova

"S’jam katolik, as mysliman, por jam shqiptar!" Krasniqi para Hagës, prek e bija: Zëri yt i fuqishëm drodhi tokën shqiptare, do kthehesh fitimtar

Politiko 10 Nëntor 2020, 10:39
"S’jam katolik, as mysliman, por jam shqiptar!" Krasniqi para
Vajza e ish-kryeparlamentarit të Kosovës, Jakup Krasniqi

Vajza e ish-kryeparlamentarit të Kosovës, Jakup Krasniqi, ka reaguar pas deklaratës së babait të saj përballë tribunalit të Hagës.

Në disa rreshta dedikuar të atit, i cili i përlotur dje tha se “ishte shqiptar, as katolik apo mysliman, dhe se ndaj tij dhe Kosovës është bërë një padrejtësi e madhe”, Gresa Krasniqi shprehet se besojnë që Jakup Krasniqi do të dalë fitimtar nga Haga.

“Zëri yt i fuqishëm në Hagë, dridhi tokën Shqiptare sot”, shkruan ndër rreshta Gresa.

“Babi,

Zëri yt i fuqishëm në Hagë, dridhi tokën Shqiptare sot.

Babi, sot ndoshta lotët nuk i mbajmë dot por deklarata jote e fuqishme na dha forcë. Sot, dhimbja është e fortë por më e fortë është krenaria që ndjejmë për ty.

Babi, sot mbahesh padrejtësisht, por do të kthehesh fitimtar.

Të presim babi dhe të duam shumë!

Me dashuri,

Sevdija, Gresa, Qëndresa, Altini dhe Çlirimtarja”, shkruan ajo.

Kujtojmë se, dje kanë dalë para Dhomave të Specializuara në Hagë si të akuzuara për krime lufte Jakup Krasniqi e Hashim Thaçi, ndërsa sot pritet të dalë Kadri Veseli e më pas Rexhep Selimi, të katërt pjesë e shtabit drejtues të UÇK-së.

Të fundit