Flash News

Kosova

Sulmohet me armë policia e Kosovës, vritet një efektiv dhe plagoset një tjetër

Sulmohet me armë policia e Kosovës, vritet një efektiv dhe

Një situatë e tensionuar në veri të Kosovës, në fshatin Banjska të Leposaviçit, ka përfunduar në vrasjen e një efektivi dhe plagosjen e një tjetri.

Lajmin e ka bërë të ditur vetë kryeminsitri Albin Kurti, i cili përmes një postimi në Facebook, shkruan se ngjarja ka ndodhur rreth orës 03:00 të mëngjesit. Sipas Kurtit, policia e Kosovës është sulmuar nga persona me maska dhe të armatosur me armë të rënda.

“Rreth orës 3 të mëngjesit sot, në fshatin Banjska të Leposaviqit, është sulmuar policia e Kosovës me ç’rast është vrarë një polic i Kosovës dhe një tjetër është plagosur. I vrari është polic i rendit me gradën rreshter, kurse i plagosuri është pjesëtar i policisë kufitare. Në këto momente ende vazhdojnë gjuajtjet me armë zjarri të kalibrave të ndryshëm mbi policinë tonë. Sulmuesit janë profesionistë me maska e të armatosur edhe me armë të rënda”, ka njoftuar ai.

Të fundit