Flash News

Zbardhet letra që Biden i la Trump në zyrën ovale: Amerikanët kërkojnë qëndrueshmëri

Aksion në veri të Mitrovicës, gjenden armë dhe pajisje për kriptovaluta

Në kërkim për masakrën e Dobraçit, vetëdorëzohen në polici Izmir Sakica dhe Samuel Troshani

Vrasja e Kristjan Markut, dyshime se autorët janë larguar drejt Kosovës

I zhdukur prej 4 ditësh, gjendet i mbytur në lumin e Shalës Edison Oruqi

Kosova

Vuçiç mohon përfshirjen në sulmin e Zubin Potokut: Serbia nuk ka nevojë për terrorizëm

Politiko 30 Nëntor 2024, 13:56

Vuçiç mohon përfshirjen në sulmin e Zubin Potokut:

Presidenti i Serbisë, Aleksandar Vuçiç, ka reaguar lidhur me sulmin në kanalin e Ibër-Lepencit në Zubin Potok, duke kundërshtuar akuzat e kryeministrit të Kosovës, Albin Kurti, për përfshirjen e Serbisë.

Në një aktivitet me të rinjtë në forumin e SNS-së, Vuçiç tha se Beogradi nuk ka lidhje me këtë ngjarje dhe nuk kishte reaguar që herët në mëngjes për të shmangur vendimet nën presion.

“Asnjëherë mos merrni vendime nën presion. Çka mendoni, pse nuk u nxitova sot në orën gjashtë të mëngjesit të them se Serbia nuk ka lidhje me atë që ndodhi në Ibër-Lepenc? Ne nuk kemi nevojë për terrorizëm, as nuk kërkojmë të arsyetohemi,” deklaroi Vuçiç, duke shtuar se Serbia do të veprojë me qetësi derisa faktet të dalin në dritë.

Vuçiç theksoi se nuk do të kërkojë falje për diçka që Serbia nuk ka bërë dhe se, sipas tij, gjithçka do të sqarohet në kohën e duhur.

Ndërkohë, edhe Ministri i Jashtëm i Serbisë, Marko Gjuriç, dhe drejtori i Zyrës për Kosovën, Petar Petkoviç, hodhën poshtë pretendimet e Kurtit. Gjuriç tha se Serbia është e gatshme të ndihmojë në riparimin e dëmeve të kanalit, ndërsa Petkoviç e cilësoi ngjarjen si një goditje ndaj komunitetit serb në veri të Kosovës, që tashmë jeton në kushte të vështira.

Në anën tjetër, kryeministri i Kosovës, Albin Kurti, ka akuzuar Serbinë për organizimin e sulmit, duke e cilësuar atë një akt terrorist që synon dëmtimin e infrastrukturës jetike të vendit.

 

 

Të fundit