Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Debati për “gjininë e tretë”, Mark Crawford në Pasvon: Kur qeveria tenton të legalizojë përvojat personale, hapet kutia e Pandorës

Politiko 11 Nëntor 2025, 14:50

Debati për “gjininë e tretë”, Mark Crawford në

Mazhoranca socialiste miratoi e vetme, përpos kundërshtive nga opozita, ligjin për “Barazinë Gjinore”, një ligj që është pritur me debate.

Në një intervistë për emisionin “Pasvon”, Mark Crawford u shpreh se qeveritë shpesh “fusin gishtin aty ku nuk duhet”, duke tentuar të formalizojnë përvoja që në të vërtetë janë personale.

Sipas tij, identiteti gjinor është një përzierje e shkencës dhe përvojës personale, dhe përpjekja për një “gjini të tretë” rrezikon të krijojë ndarje në shoqëri.

Pjesë nga intervista:

Alfred Lela: Trump mund t’i shërbejë si poster-boy të gjërave që shkojnë keq: ja si përfundoi Nju Jork, kështu do të përfundojnë dhe zona të tjera të Amerikës nëse votoni për tipologji të tilla. Tani, ju përmendët pak qëparë për kandidatin amerikan që ishte kundër të themi ‘banjove pa gjini’, ose banjove të përziera, se dua ta lidh me një ngjarje që ka ndodhur edhe këtu në Shqipëri dje, por edhe me vendimin e Gjykatës së Lartë amerikane. Dje, këtu në Tiranë mazhoranca socialiste, pa votat e opozitës, kaloi një ligj që ata që quajnë të barazisë gjinore, por shumë komunitete, shumë grupe interesash, të gjitha komunitet fetare janë bërë bashkë dhe thonë që, ky është ligji që njeh gjininë e tretë. Pra, nga burrë dhe grua kalohet në një gjini të tretë, e cila sipas këtyre grupeve, por edhe sipas opozitës shihet si një rrezik për familjen tradicionale, por edhe për strukturën shoqërore. Ndërkohë, në SHBA, Gjykata e Lartë i dha të drejtë Trump duke mos lejuar pikërisht këtë që u lejua dje në Shqipëri. Pra, krijimin e një gjinie të tretë. E shihni të rrezikshme këtë që ndodh këtu, dhe mendoni se janë mundësitë që një gjykatë më e lartë ta dekonstitucionalizojë, siç bëri Gjykata e Lartë në SHBA?

Mark Crawford: Unë besoj se, ndonjëherë qeveria fut gishtin aty ku nuk duhet të përfshihet. Kemi një përzierje shkencore dhe individuale. Se unë, dhe në femijërinë time më herët në Amerikë, kam të afërm që janë non-binary, domethënë, thotë që nuk nuk jam as grua, as burrë. Nuk thotë që kanë marrëdhënie me të njëjtin seks. Por, kam edhe në fëmijërinë time më të gjerë që janë në këtë marrëdhënie. Unë nga pikëpamja ime personale, them që, jemi edhe shkencë, edhe përvojën personale. Është shumë e vështirë për mua të flas për përvojën personale të dikujt tjetër. Por, nëse u flas sot, dhe dikush do të më gjejë trupin pas 5 vitesh dhe do bëjë një analizë shkencore, çfarë do të thojë? Unë jam një burrë 50-vjeç e ca dhe vdiqa, por kam kromozome X dhe Y. Nuk do ta dinte nëse unë do të isha i majtë, apo i djathtë, ose isha i martuar, ose i pamartuar. Kjo është shkencë e thjeshtë. Kështu që, për mua qeveritë të rrinë në shkencë dhe të mos diskriminojnë një përvojë individuale që mund të ketë. Por, prapëseprapë kur qeveria tenton të legalizojë përvojat individuale që kanë njerëzit, këtu është një rang shumë i gjerë dhe hapet një kuti Pandore.