Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

KRYESORE

E pagëlltitshmja e Onkologjikut që Rama e gëlltiti pa u mbytur

Politiko 28 Shtator 2024, 11:14

E pagëlltitshmja e Onkologjikut që Rama e gëlltiti pa u mbytur

‘Pazari’ me jetën tek Onkologjiku ishte një nga shumë skandalet që tronditi opinionin e gjerë publik. Bisedat e mjekëve onkologë që zhvasnin pacientët e sëmurë me tumor duke i zhytur në borxhe e kredi, për të shijuar luksin e Maldiveve, ishin një goditje e rëndë për sistemin e mjekësisë, që shumë e bërtasin, por pak e dëgjojnë.

“1500 euro, 5 operacione, i kap brenda javësh ti, hahahahaha, ca llogarie. Për i javë bëhesh për Maldive ti atëherë”, thuhet në komunikimet e zbardhura në dosjen hetimore mes mjekëve, që përpos orvatjeve që u bënin pacientëve nga shteti te privati e anasjelltas, i detyronin të përballeshin me mungesë medikamentesh që iu rrezikonin jetën, edhe pse pagesat i merrnin.

Edhe pse skandali mori përmasa të mëdha, kreu i qeverisë nuk e pa të nevojshme të hidhte vrer me vrull siç bën kur denoncohen e kallëzohen aferat korruptive të qeverisë.

Sot, kur kanë kaluar rreth 4 muaj nga skandali, Rama e sheh atë si një “histori prekëse” dhe “tregues se kemi akoma nevojë të përmirësojmë sistemin”. Mbi të gjitha, kryeministri kujtohet sot se sa rëndë e shkelin mjekët kodin e etikës, duke harruar paret nën mëngë që pacientët ua kalojnë dorazi, për të shpëtuar jetën. Shkurt, korrupsionin malinj.

“Këtë lidhjen e publikut me privatin, thjesht tani edhe për shkak të mësimeve që nxorëm nga historitë e pagëlltitshme të Onkologjikut, e kemi që thjesht mjeku që punon në publik mund të punojë në privat, por duhet të njoftojë dhe të marrë aprovim. Nuk mund të jetë “hajt se po nisem”. Sjellja e pacientit sa andej këndej është thyerje e rëndë e kodit të etikës.

Ajo që ndodhi te Onkologjiku ishte shumë prekëse. Ishte një tregues që kemi akoma nevojë të përmirësojmë sistemin dhe mënyrën e angazhimit. Dihet, e ka thënë një veteran i famshëm i BBC, lajm nuk është kur kafshon qeni njeriun, por njeriu qenin. Në rastin konkret, lajmi nuk është që këta mjek bën 90 mijë ndërhyrje në vit, mirëpo kur të del një rast si ai, ose i sanatoriumit, këto janë raste që godasin besimin te sistemi. Spitalet në Shqipëri i shajnë ata që nuk i kanë parë në vitet e fundit, kanë kujtimet e së shkuarës. Kam dëgjuar edhe të huaj që kanë ardhur këtu që thoshin nuk e besojmë dot që Shqipëria ka një spital si ai i sëmundjeve të brendshme”, deklaroi Rama nga podcasti i tij.

Në fakt, të bësh pazar me jetën e një pacienti, edhe pse kryeministri nuk e thotë dot, nuk është thjesht ‘histori prekëse’. Skandali u pasua me qindra dëshmi që tregonin neglizhencën, arrogancën dhe paturpësinë me të cilën mjekët onkologë, i kishin zhytur në borxhe që vijojnë t’i paguajnë edhe sot, pavarësisht se familjarët e tyre, nuk jetojnë më.

Po, skandali është i pagëlltitshëm, por nuk është një skandal nga i cili nxjerr si mësim ndryshimin e Urdhrit të Mjekut, për të detyruar mjekët të raportojnë punën e tyre në sektorin privat.

Ajo që kryeministri nuk e pranon dot është dështimi për t’i garantuar shqiptarëve një mjekësi dinjitoze dhe jo një sistem të kalbur nga korrupsioni dhe babëzia për para. Jo një mjekësi që vret duke shkelur me vetëdije Betimin e Hipokratit.

Të fundit