Fjala e Vitit sipas Oksfordit: Rizz

Pas më shumë se 32,000 votave dhe një ekipi ekspertësh të gjuhës, Fjala e Vitit 2023 e Oksfordit është...rizz!

2023 shënoi epokën e PR-it-personal dhe profesional. Dhe çfarë duhet për të tërhequr vëmendjen? Shumë karizëm, ose forma e shkurtuar, "rizz".

Në lidhje me aftësinë e dikujt për të tërhequr një person tjetër përmes stilit, sharmit ose atraktivitetit, ky term vjen nga pjesa e mesme e fjalës "karizëm", e cila është një model i pazakontë i formimit të fjalëve. Shembuj të tjerë përfshijnë "frigo"-fridge (frigorifer) dhe flu-"grip" influenza.

Përdorimi i fjalës, siç është regjistruar në korpusin tonë, është rritur në mënyrë dramatike në vitin 2023, me një kulm në qershor 2023, kur aktori Tom Holland u pyet në një intervistë të raportuar gjerësisht për 'rizz'-in e tij, për të cilën ai u përgjigj: 'Unë nuk kam asnjë lloj rizz-i, unë kam rizz të kufizuar.'

A e dinit?

Fjala "rizz" mund të përdoret gjithashtu si folje, shpesh në frazën "rizz up", që do të thotë "të tërheqësh, joshësh ose të përfshish në bisedë (një person)".

Finalistët

prompt (nxitje)

Një udhëzim që i jepet një programi, algoritmi të inteligjencës artificiale, etj., i cili përcakton ose ndikon në përmbajtjen që gjeneron.

Ndërsa AI u bë më i përhapur, po ashtu u bë edhe nevoja për aftësi njerëzore të cilat moderojnë dhe drejtojnë këto përparime. Shfrytëzimi i këtij potenciali do të thotë të ofrosh një 'nxitje' (prompt) për të ndikuar në përmbajtjen e krijuar.

Fjalët e lidhura me AI kanë qenë veçanërisht të spikatura në të dhënat e korpusit këtë vit, me përdorimin e fjalës "prompt" në kontekste që lidhen me AI duke u rritur jashtëzakonisht këtë vit nga shumë pak përdorim në korpusin tonë para vitit 2022.

Ndërsa sistemet e AI janë përhapur në biznes, arsim, kontekste krijuese dhe gjetkë, më shumë njerëz kanë zhvilluar aftësitë e nevojshme për t'i përdorur ato në mënyrë efektive dhe, në disa raste, duke u bërë të specializuar si 'prompt engineers'.

Ky kuptim i ri është zhvillim i një kuptimi më të gjerë: 'Diçka e thënë ose e bërë për të ndihmuar kujtesën; një kujtesë; specifikisht një fjalë ose frazë e thënë për t'i kujtuar një aktori, recituesi, etj., një fjalë ose rresht të harruar. Përdorimi i kësaj fjale pasqyron rritjen e rëndësisë së inteligjencës artificiale në shoqëri dhe nxjerr në pah ndërveprimin e njerëzve me makinat.

A e dinit?

Fjala 'prompt' erdhi në anglishten e mesme bazuar në fjalën e vjetër frënge prompt ose latinishten promptus 'nxjerrë në dritë', gjithashtu 'i përgatitur, gati'.

situationship 

Një marrëdhënie romantike ose seksuale që nuk konsiderohet të jetë formale ose e pranuar.

Viti 2023 na pa duke rivlerësuar mënyrën se si lidhemi me njëri-tjetrin dhe fjalët që përdorim për të përshkruar marrëdhëniet tona – dhe se si disa nga ato marrëdhënie sfidojnë konvencionet.

Etimologjikisht, "situationship" është një përzierje e "situatës" dhe "marrëdhënies". Përzierja është një burim i dukshëm i fjalëve të reja në anglisht, veçanërisht kur fjalët janë krijuar me vetëdije për të përshkruar një fenomen të ri.

Një term i popullarizuar nga mediat sociale dhe emisionet moderne të takimeve (dating); termi duket se është krijuar në fillim të viteve 2010 dhe i referohet një marrëdhënie romantike ose seksuale që nuk konsiderohet të jetë formale ose e vendosur, ndonjëherë që është jashtë konventave të shoqërisë.

Fjala kap pasigurinë dhe mungesën e formalizimit që shumë njerëz ndiejnë për marrëdhëniet e tyre. Përdorimi është rritur në mënyrë të qëndrueshme në frekuencë duke treguar se termi sigurisht ka rezonuar me njerëzit.