Rama u kërkoi fëmijëve t'i shohin fotot e tij n*do, pse heshtin institucionet që 'kryqëzuan' dikur posterin e Këlliçit

Mesazhi i Belind Këlliçit duke i treguar gishtin e mesit korrupsionit, në një poster të shfaqur gjatë kohës kur kandidonte për kryetar bashkie në Tiranë përballë Erion Veliajt, u prit me një mori reagimesh nga komunitetet fetare, disa institucione dhe vetë qytetarët. 

Ata e cilësuan njëzëri të papranueshme pasi gjestet fyese cënojnë dinjitetin e njeriut.

Ndërkohë, por sot kryeministri i vendit, Edi Rama para fëmijëve gjatë një takimi elektoral u ka kërkuar atyre që të shikonin fotot e tij nudo në rrjetet sociale dhe duke kërkuar në Google.

Mesazhi i tij ka sjellë reagime të ashpra nga opinioni publik, por të njëjtat institucione që 'kryqëzuan' asokohe Këlliçin sot po heshtin përballë deklaratave të tilla ofenduese sidomos nga një zyrtar shteti. 

Më poshte, sjellim në kujtesë reagimet e institucioneve apo komuniteteve fetare ndaj posterit të Këlliçit dhe të njëjët që heshtin përballë deklaratave të kryeministrit Rama. 

Reagimi nga Aleanca kundër Gjuhës së Urrejtjes- Avokati i Popullit, Komisioneri për Mbrojtjen nga Diskriminimi, Autoriteti i Mediave Audiovizive dhe Këshillit Shqiptar i Medias

Aleanca kundër Gjuhës së Urrejtjes konstatoi përmbajtje jo përshtatshme në posterat elektoral të vendosura në zona të ndryshme të Tiranës.

Përdorimi i imazheve dhe gjesteve fyese në fushata elektorale që cenojnë dinjitetin e njeriut janë të papranueshme dhe të sanksionueshme me ligjin zgjedhor.

Aleanca kundër Gjuhës së Urrejtjes vlerëson vendimmarrjen e fundit të Komisioneri Shtetëror të Zgjedhjeve për heqjen e bilbordeve denigrues duke nxitur subjektet zgjedhore të vetpërmbahen për të pasur kujdes edhe në mesazhin që iu jepet gjeneratave të reja. Partitë politike nuk duhet të heqin dorë nga roli edukues dhe modeleve pozitive për shoqërinë.

Aleanca kundër Gjuhës së Urrejtjes nxit subjektet zgjedhore të japin shembullin e mirëkuptimit, dialogut dhe paraqitjen e alternativave më mira në dobi të komuniteteve që do qeverisin pas zgjedhjeve. Përgjegjshmëria, kujdesja për fjalën e mirë është veti e liderëve të komuniteteve.

Aleanca kundër Gjuhës së Urrejtjes vë në dukje se Kodi i sjelljes për Partitë politike në Shqipëri i nënshkruar nga subjektet zgjedhore bazohet në respektimin e dinjitetit të barabartë të të gjitha qenieve njerëzore, lirinë e shprehjes dhe mendimit, dialogun demokratik, tolerancën dhe respektin e ndërsjelltë, duke luftuar kundër të gjitha formave të pretenduara të epërsisë së një grupi ndaj të tjerëve, si dhe diskriminimit dhe gjuhës së urrejtjes.

Reagimi nga Urdhëri i Psikologut 

'Duke marrë shkas nga një poster i vendosur sot në rrugët kryesore të kryeqytetit, si pjesë e fushatës politike për zgjedhjet në Bashkinë e Tiranës, Urdhri i Psikologut bën me dije:  Mesazhe fyese, denigruese dhe me përmbajtje bullizuese, jo vetëm që nuk janë etike, por mbi të gjitha bëhen në mënyrë të drejtëpërdrejtë shembull i reagimeve të papërmbajtura, bullizuese dhe fyese në popullatë.  Mesazhet që përcillen, nuk kanë target vetëm njerëzit e rritur, që arrijnë t'i seleksionojnë, por edhe fëmijët, për të cilët bëheni, me dashje ose pa dashje, modele që duan të ndjekin. 
Lutemi mbani në konsideratë në çdo mesazh që përcillet në rrugët kryesore të qytetit, si dhe në televizionet publike, apo kudo tjetër, se informacioni që përçohet duhet të jetë etik.  Pas gjithë fushatave që ndërmerren nga shoqëria civile, media, shkolla etj., kundër mesazheve bullizuese, është e paparanueshme që të promovojmë mesazhe të tilla në billborder-at e kryeqytetit.  Nuk mund të kërkojmë të ndërtojmë vlera mbi antivIera. 

Ish-myftiu i Tiranës, Ylli Gurra

“Shfaqja e tyre përgjatë rrugëve të kryeqytetit është një non-sens i madh nëse vetë kandidati për kryetar bashkie kryeqytetit ka qenë dakord me shfaqjen e një mënyrë kaq pa sens për të rrëzuar apo mposhtur një plagë të thellë shoqërore. Është qesharake, fyese, ofenduese për qytetarët të mund të mendosh se korrupsioni u parandaloka, apo zhduket si fenomen shoqëror me një gjest të tillë, aqytetar, acivilizues dhe akulturor. Aq më tepër që vet Belindi e ka shprehur që vjen nga një familje pa çka tre breza përpara me një background, fetar, pra një ish-myfti i asaj kohe. Dalja me një gjest të tillë është e papranueshme për qytetarët. Nuk është kjo mënyra e respektimit të qytetarëve të një kryeqyteti. 

Xhamitë e Tiranës 

Thirrje për reflektim!

Ju lutem të reflektoni në lidhje me rëndësinë e kodit etik në procesin e zgjedhjeve. Në këtë periudhë, kur kandidatët janë duke luftuar, është thelbësore të mos harroni rëndësinë e etikës në politikë.

Fitimi në zgjedhje është një objektiv i rëndësishëm për çdo kandidat, por duhet të bëhet në mënyrë etike. Kandidatët duhet të mbajnë një nivel të lartë të sjelljes dhe të respektojnë ligjet dhe rregulloret e zgjedhjeve.

Fitorja e vërtetë nuk është vetëm fitimi në zgjedhje, por edhe lufta kundër tundimit dhe shfrenimit. Kandidatët duhet të jenë shembuj pozitivë për qytetarët dhe të mbajnë një nivel të lartë të sjelljes në publik.

Në këtë rast, kandidati i koalicionit "Bashke Fitojme" ka bërë një veprim të papranueshëm, duke treguar gishtin e mesit në ambjente publike ku kalojnë familjare dhe fëmijë. Kjo sjellje nuk është vetëm e papërgjegjshme dhe e pashembullt, por gjithashtu mund të ndikojë negativisht në imazhin e qytetit dhe në perceptimin e votuesve për kandidatin.

Prandaj, ne i bëjmë thirrje kandidatit të marrë vesh se sjellja e tij është e papranueshme dhe nuk është në përputhje me nivelin e kërkuar të sjelljes nga kandidatët në zgjedhje. Gjithashtu, i bëjmë thirrje KQZ-së të ndërhyjë në kohë për të parandaluar ndikimin negativ të sjelljes së kandidatit në imazhin e qytetit dhe në integritetin e zgjedhjeve.

Në fund të fundit, zgjedhjet janë një proces i rëndësishëm dhe duhet të jenë të ndershme dhe të paanshme për të siguruar që vota e secilit qytetar të respektohet dhe të ndikojë në zgjedhjen e përfaqësuesve të tij të zgjedhur në mënyrë të përgjegjshme.”

 Vëllazëria Ungjillore e Shqipërisë 

Vëllazëria Ungjillore e Shqipërisë i vë në dukje kandidatit Këlliçi se sjellja e tij është e papranueshme dhe nuk është në përputhje me etikën qytetare. 
 
"Korrupsioni nuk luftohet me banalitet! 
Ndërtimi i vlerave qytetare përfshin respektimin e njerëzve duke mos e katandisur debatin në sharje banale. Fëmijët tanë nuk kanë nevojë për shembuj banalitetesh, prandaj nuk mund të jetë e pranueshme normalizimi i banaliteteve në hapësirat publike të qytetit tonë, aq më tepër nga dikush që dëshiron të jetë qytetari i parë i tij.
Kandidati i koalicionit “Bashkë Fitojmë” ka bërë një veprim të papranueshëm, duke treguar gishtin e mesit në ambjente publike ku kalojnë familjarë dhe fëmijë. Vëllazëria Ungjillore e Shqipërisë i vë në dukje kandidatit të saj se sjellja e tij është e papranueshme dhe nuk është në përputhje me etikën qytetare. Gjithashtu, i bëjmë thirrje KQZ-së të ndërhyjë në kohë për të parandaluar ndikimin negativ të sjelljes së kandidatit në imazhin e qytetit dhe në integritetin e zgjedhjeve. Ndërkohë, ne vazhdojmë të lutemi për procesin zgjedhor të 14 Majit e për të gjithë kandidatët që janë duke garuar, të mos veprojnë nën trysninë e fushatës, por të jenë të ndërgjegjshëm, ku përmes kandididimit të përçojnë vlera dhe sjellje nderuese për gjithë familjen dhe respektin për qytetarët e këtij qyteti/vendi