Flash News

Info migrants: Italia transferon 26 persona të tjerë në qendrat e paraburgimit në Shqipëri

Netanyahu: Është eliminuar kreu i Hamasit në Gaza, Mohammad Sinwar

Vodhën automjetin në Tepelenë dhe e shitën në Gjirokastër, në pranga 3 të rinj

Thika e urimit të Ambasadës amerikane

Sekuestro e pasurive, Ajola Xoxa bën rekurs në Gjykatën e Lartë

KRYESORE

SHBA përgëzoi për fitoren brenda pak orësh liderin në Belize, por Ramën e injoroi

Politiko 27 Maj 2025, 22:10

SHBA përgëzoi për fitoren brenda pak orësh liderin në

Ambasada e Shteteve të Bashkuara të Amerikës ka reaguar sot për herë të parë për zgjedhjet parlamentare të 11-majit, ndonëse kanë kaluar rreth dy javë nga ky proces.

Me anë të një postimi në platformën Facebook në faqen zyrtare, ambasada uroi me një mesazh të shkurtër popullin shqiptar për këto zgjedhje. Ndërkohë që më tej thuhet se ata mezi presin të vazhdojnë partneritetin e ngushtë me Shqipërinë.

 "Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë", thuhet në reagimin e ambasadës. 

Ajo që vihet re është fakti se ambasada nuk e përmend dhe nuk i uron fitoren Edi Ramës, i cili në këto zgjedhje siguroi sërish fitoren duke përvetësuar edhe një mandat të katërt me 83 ulëse në Kuvend.

SHBA-të dukshëm e kanë injoruar Ramën në këtë qëndrim, nëse sjellim në vëmendje shembuj të ngjashëm në shtete të tjera, që kanë marrë urime nga administrata “Trump”. 

Konkretisht, kur në Belize, një shtet i vogël në Amerikën Qendrore, u zhvilluan zgjedhjet në mars të këtij viti, ambasada reagoi brenda disa orësh dhe uroi jo vetëm popullin vendas, por edhe kryeministrin John Briceño për rizgjedhjen e tij në një mandat të dytë. 

"Urime popullit të Belizes për zgjedhjet e tyre demokratike. Shtetet e Bashkuara përgëzojnë të nderuarin John Briceño për rizgjedhjen e tij të suksesshme për një mandat të dytë si Kryeministër i Belizes. Ne i duartrokasim njerëzit e Belizes për angazhimin e tyre të palëkundur ndaj një procesi zgjedhor demokratik", thuhet në reagimin e SHBA-ve. 

SHBA përgëzoi për fitoren brenda pak orësh liderin në

 

Të fundit