Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

KRYESORE

U nis të pensiononte Sali Berishën, doli vetë në pension para kohe. Yuri Kim kalon në ‘privat’

Politiko 21 Shtator 2025, 12:23

U nis të pensiononte Sali Berishën, doli vetë në pension

Pas një karriere 29-vjeçare, Yuri Kim i ka dhënë fund karrierës së saj diplomatike. Në një ceremoni të vogël, ku morën pjesë të afërm të saj, kolegë, ish-ambasadori i SHBA-ve në Tiranë, Aleksandër Arvizu, Ambasadori i Shqipërisë në Uashington, Ervin Bushati dhe gazetarja Ilva Tare, Kim njoftoi tërheqjen nga karriera diplomatike.

Gazetarja Ilva Tare, e cila ka ndarë në faqen e saj në Instagram disa foto nga ceremonia, vë në dukje transferimin e Kim në sektorin privat.

“Ndërsa Yuri nis këtë udhëtim të ri emocionues në sektorin privat në Uashington D.C. duke filluar më 29 shtator, ajo ecën përpara me admirim të thellë, respekt dhe mirënjohje të përzemërt”, shkruan Tare në Instagram.

Yuri Kim do të njihet për qëndrimin e saj arrogant dhe përçarës ndaj opozitës shqiptare. Ish-ambasadorja amerikane e nisi misionin e saj në Shqipëri në vitin 2019 dhe përgjatë qëndrimit të saj, u njoh për deklaratat cinike kundrejt demokratëve dhe liderit opozitar, Sali Berisha.

Kim është ambasadorja e cila në kohën kur PD drejtohej nga Lulzim Basha, u përfshi jashtë kompetencave të saj diplomateje në lidershipin e PD, duke imponuar frymën përçarëse në parti.

Ajo do të mbahet mend si ambasadorja që tha se demokratët “nuk duhet të hanin bar” duke iu referuar indirekt Sali Berishës.

"Do të ishte një ironi historike por edhe një tragjedi për vendin, jo vetëm për partinë, nëse partia do të hante bar për hir të interesave personale të një njeriu", tha asokohe Kim.

Para largimit të saj nga DASH, Berisha, i bëri thirrje Kongresit Amerikan dhe FBI të nisin një hetim në lidhje me ish ambasadoren e SHBA në Tiranë Yuri Kim.

Kjo deklaratë ishte një imponim që Kim kërkonte t’iu bënte demokratëve për të nxitur përbuzje ndaj liderit democrat, Sali Berisha. Asokohe, demokratët e kritikuan ashpër ish-ambasadoren, e cila gjente mbështetje tek Rama dhe interesat e tij.

“Ajo ka qenë diplomate e korruptuar dhe unë kam ftuar FBI-në, kam ftuar Kongresin të hetojnë për korrupsionin e saj dhe ato informacione që unë disponoj, jam i gatshëm të ua vë në dispozicion”, pati deklaruar ai.

Të fundit