Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Mesazhi i Dades për zv/kryeministrin Braçe: Shpresoj t’i ketë dokumentat që tundte kundër Berishës

Politiko 14 Janar 2019, 22:57
Mesazhi i Dades për zv/kryeministrin Braçe: Shpresoj t’i

Në intervistën për ‘A Krasta’, Arta Dade dha mesazhe edhe për ish-kolegët e saj në Partinë Socialiste.

Duke iu referuar emërimit të Erjon Braçes në postin e zv/kryeministrit, Dada theksoi se uron që numri dy i Qeverisë t’i ketë ende dokumentat që tundte kundër Sali Berishës kur ishte në opozitë.

“Uroj që zoti Braçe t’i ketë ato dokumenta që i tundi për 8 vite në opozitë. Për 8 vjet e akuzuam edhe për vrasje, dhe asnjë dosje nuk ka shkuar në Prokurori. Ky është pajtim me pandëshkueshmërinë”, tha Dade.

Sipas ish-ministres së Jashtme, Shqipëria nuk mund të anëtarësohet në Bashkimin Evropian duke mbajtur kulturën e pandëshkueshmërisë ndaj zyrtarëve të lartë që kanë abuzuar me pushtetin.

Arta Dade foli edhe për Ditmir Bushatin, ende ministër i Jashtëm në detyrë, për të cilin tha se nuk ia fal ligjin e shërbimit të jashtëm, që sipas saj, mund ta ketë dëmtuar në mënyrë të përhershme diplomacinë shqiptare.

“Asnjëherë nuk e fal ligjin për shërbimin e jashtëm, që sigurisht Ditmiri e ka bërë nën kërkesën e kryeministrit, por ministri prandaj është aty që t’i thotë edhe ndonjëherë jo kryeministrit”, tha Dade.

Gjithsesi, Dade tha se Bushati mund të konsiderohet një ministër i mirë gjatë pesë viteve në qeveri.

Duke komentuar ministrat e rinj të kabinetit, ish-deputetja foli për një qeveri teknike, duke nisur nga kryeministri, dhe që duhet të mbështetet nga Partia Socialiste. Sipas Dades, ministrat e rinj janë pjesë e oborrit të Ramës.

“Nëse do të bëhej një qeveri teknike nga kryeministri deri te ministri i fundit mund ta bësh, dhe sigurisht që Partia Socialiste duhet ta mbështesë, për këta (ministrat e rinj) janë të oborrit të Edi Ramës. Se si i ka gjetur, se ku i ka gjetur, këtë nuk e di, ndoshta po të isha në PS do të kishte thënë diçka aty”, deklaroi Dade.

Rikthimi i ashpër i Arta Dades: Rama koncepte të deformuara për demokracinë; E majta duhet të ribëhet

Arta Dade shfaqet pas 1 vit e gjysmë mungesë: Gent Cakaj nuk duhet të jetë as kryenegociator i Shqipërisë me BE

Të fundit