Theo Hernandez dhe Piatek kanë ringjallur Milanin! Skuadra kuqezi sonte fitoi 3-2 ndaj Bologna-s duke rifituar më në fund pak zemër me trajnerin Pioli. Kjo ishte një ndeshje shumë e rëndësishme për mentalitetin e skuadrës.
Skuadra kuqezi e nisi shkëlqyeshëm ndeshjen, me ssulmuesin Piatek që shënoi në minutën e 15-të. Polaku kishte dy muaj që nuk e gjente rrjetën dhe kësaj here fitoi një penallti për ta bërë këtë.
Në minutën e 32-të, Hernandez dyfishoi për Milanin me një gol fantastik, por 8 minuta më vonë shënoi autogol, duke ndihmuar skuadrën kundërshtare. Kështu u mbyll pjesa e parë.
Për golin e tretë mendoi Bonaventura në minutën e parë të pjesës së dytë. Ai bëri një gjuajtje kryevepër dhe u duk se aq ishte, por Bologna reagoi për të ngushtuar disavantazhin. Sansone në minutën e 84-t çoi shifrat në 2-3 dhe rihapi ndeshjen, por Milani gjithsesi ia doli të menaxhonte lojën dhe të merrte 3 pikët.
Financuar Nga Bashkimi Europian
