Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

Ministri Lleshaj: Çfarë donte Alfred Lela aty? Kisha vendosur t`i kërkoja falje por nuk e kam ndërmend

Politiko 23 Maj 2020, 19:09

Ministri Lleshaj: Çfarë donte Alfred Lela aty? Kisha vendosur t`i

Ministri i Brendshëm Sandër Lleshaj ka reaguar mbi dhunën e ushtruar nga efektivët e policisë mbi gazetarin e analistin Alfred Lela.

Ministri, i cili më herët kishte mohuar dhunën e Lelës, është shprehur për RTSH se kishte vendosur t`i kërkonte falje Alfred Lelës por ishte tërhequr nga ky fakt.

Ai tha se Lela nuk mund të ndërhynte me dorë ndaj policeve femra që kishin ndaluar ish-deputeten e LSI-së, Silva Caka.

Ministri Lleshaj, është shprehur duke thënë se kishte vendosur t`i kërkonte falje Lelës për shkak të një miku të tij, por sipas Lleshajt, nuk i la shans ta bënte një gjest apriori.

"Një mik shumë i çmuar i kishte shkruar një sms z. Lela, ku i kërkonte ndjesë në emrin tim. Në fakt, për hir të atij mikut, kisha vendosur ti kërkoj ndjesë z. Lela, por smë la shans ta bëja një gjest apriori."- ka thënë ai.

Vetë Alfred Lela ka shkruar për "mikun" e përbashkët të atij dhe të lleshajt, i cili i kishte shkruar dhe i kërkonte dalje për një dhunë që nuk e ka ushtruar ai.

" Duke qenë se nuk jam gati ta shkëpus njohjen me Sandrin, të paktën jo tani, sepse nuk mund të bisedoj sy më sy me të, më duket sikur këtë dhunë ndaj teje e këtë shpërdorim pushteti e kam ushtruar unë,"- i ka shkruar miku i Lleshajt, Lelës.

Statusin e plotë mund ta lexoni duke klikuar KËTU.

Pjesë nga deklarata në RTSH E Lleshajt:

Lleshaj: Kjo historia e zotit Lela ka marrë një përmasë relativisht të madhe. Një mik shumë i çmuar i kishte shkruar një sms z. Lela, ku i kërkonte ndjesë në emrin tim. Në fakt, për hir të atij mikut, kisha vendosur ti kërkoj ndjesë z. Lela, por smë la shans ta bëja një gjest apriori.

Jo, jo, nuk e kam ndërmend dhe kam hequr dorë, pasi shpërtheu një valë fyerjesh të cilat janë në disproporcion me punën profesionale të atij zotërisë. Valë fyerjesh publike, të hapura, kërcënime të dobëta, por do të thosha që rasti në fjalë nuk e ekspozon policinë në asnjë tejkalim. Gazetari ka qenë aty nuk e di në çfarë statusi, por ka ndërhyrë në një moment kur tre punonjëse policie femra po përpiqeshin të ndalonin një protestuese femër.

Një standard që e aplikojmë me sforco të madhe, Policia shqiptare po përpiqej ta realizojë këtë për etikë të shtuar. Nuk i shkonte për etikë, një mashkulli, gazetari…etj, të ndërhynte me dorë ndaj punonjësve ferma që ishin aty, gjë që e ka bërë provokimin edhe më të madh në sytë e punonjësve mashkull të policisë. Ne na bën bashkë ligji, Kushtetuta, kundërshtimi i punonjësit të policisë është vepër penale. Tani, nëse ti merr përsipër të kryesh një vepër që kodi penal e sheh të tillë, duhet të jesh i gatshëm dhe për konseguencat e tij.

Policia vepron me iniciativë ose kërkesë. Objekti publik në fjalë ka një zot, administrator. Më datë 17 maj u kërkua ndërhyrja e policisë. Po të ishte kërkuar më parë do ndërhynte më parë. Duhet dikush ta konstatoj paligjshmërinë. Nëse nuk ka denoncim apo fakt public të madh…

Nuk ka qenë publikisht për ne i njohur fakti se ai objekt nuk ishte në dispozicion të administratorit të atij objekti. Të gjithë ato skenat ishin të filmuara të gjitha, ndërsa kjo skenë shihej vetëm një sekuencë që po futej në furgon dhe nuk shihet arsyeja se për çfarë e dërgonin në komisariat. Po nuk pati zhurmë. Përse shkoj, përse e kanë çuar? Është çështje që s`ka marrë vëmendje, as nga ajo vetë që u shoqërua nuk u tha gjë.