Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nga kryeministria te bashkitë e ushtria, Covid-19 nuk kursen as institucionet dhe administratën

Politiko 17 Qershor 2020, 11:23

Nga kryeministria te bashkitë e ushtria, Covid-19 nuk kursen as

Numri i rasteve të prekura me Covid-19 është rritur ndjeshëm ditët e fundit në vendin tonë.

Dje pati raste rekord që nga nisja e pandemisë, 82 raste, ndërsa sot kurba ka ardhur në ulje, vetëm 50 të prekur.

Megjithatë, gjatë këtyre ditëve nuk kanë munguar edhe raportimet se persona të infektuar janë evidentuar në institucione shtetërore dhe administratën publike.

QSUT

Vatra më e madhe është identifikuar QSUT. Në këtë spital, konkretisht në Infektiv nuk kanë munguar edhe rastet e personelit mjekësor, mjekët dhe infermierët të cilët janë prekur nga coronavirusi, por edhe pacientë të shumtë.

Kryeministria

Ish-deputeti demokrat Bardh Spahia ka denoncuar dje shfaqen e rasteve me COVID-19 në Kryeministri. Përmes një postimi në rrjetet sociale, Spahia shprehej se moszbatimi i protokolleve në institucionin më të lartë ekzekutiv të vendit, është modeli më i shëmtuar që mund tju jepet qytetarëve të vendit.

Ish deputeti demokrat hedh dyshime se rastet me COVID në Kryeministri po mbahen të fshehta.

Po ashtu, raste ka patur edhe në Ministrinë e Financave dhe disa institucione të tjera. qendrore.

Forcat e Armatosura

Shefi i shtabit Bardhyl Kollçaku deklaroi dje gjatë raportimit në Komisionin Parlamentar të Sigurisë se gjatë 3 muajve të pandemisë janë prekur nga covid-19 gjithsej nëntë pjesëtar të Forcave të Armatosura.

Sipas tij, 5 kanë qenë në misione paqeruajtëse, 4 në KFOR dhe një në Afganistan.

Bashkitë e Tiranës dhe Durrës

Në media u raportua së fundmi se shoqëruesi i kryebashiakut të Tiranës Erion Veliaj kishte rezultuar me covid-19, ndërsa bashkia e Durrësit mbylli sektorin e Urbanistikës tri ditë më parë për shkak se dy punonjës rezultuan të prekur. I gjithë stafi u detyra të hyjë në karantinë për dy javë.

Mbyllet çerdhja në ish-Bllok

Një edukatore doli pozitivë dy ditë më parë në çerdhen me numër 16 në Tiranë, e cila ndodhet në zonën e Ish-Bllokut.

Për këtë arsye, kanë nisur gjurmimet e kontakteve të edukatores dhe në sajë të masave për parandalimin e përhapjes së virusit, kjo njësi u mbyll për dy javë.

Drejtoria e Sigurimeve në Shkodër

Shkodra ka mbyllur deri në një afat të pacaktuar Drejtorinë e Sigurimeve Shoqërore. Shkak është bërë një punonjëse e drejtorisë, e cila së fundmi rezultoi e prekur me covid-19.

Policia intensifikon masat

Policia e Shtetit ka bërë publike porosinë e Drejtorit të Përgjithshëm të Policisë së Shtetit, Ardi Veliu lidhur me intensifikimin e masave nga shtimi i rasteve të infektimit me COVID-19, pas heqjes së masave kufizuese.

Sipas policisë, Veliu u ka dhënë porosi të gjitha shërbimeve policore në të gjithë vendin që të intensifikojnë masat për distancimin social, përdorimin e masave mbrojtëse dhe vetëkarantinimin e të infektuarve, pasi disponon të gjitha listat e përditësuara me emrat e të infektuarve me COVID-19, të cilat iu vihen në dispozicion të gjitha Drejtorive Vendore të Policisë.

“Shërbimet e Policisë, në bazë të listave përkatëse, kanë telefonuar dhe kanë kontaktuar me secilin prej këtyre personave dhe u kanë kërkuar në mënyrë të prerë të mos dalin nga banesa, duke iu bërë me dije sanksionet ligjore të parashikuara në Aktin Normativ, në rast të shkeljes së vetëkarantinimit të detyrueshëm”, thuhet në njoftim.