Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Njihuni me ministren e re në kabinetin e Ramës që punën e parë në jetë ka bërë ‘drejtoreshën’

Politiko 22 Janar 2019, 11:19
Njihuni me ministren e re në kabinetin e Ramës që punën e

“Ajo ka qenë lektore në disa universitete në Shqipëri.” Kjo është fjalia e vetme në faqen e Kryeministrisë që tregon aktivitetin profesional të Elisa Spiropalit, ministrja e re për Marrëdhëniet me Parlamentin, ku nuk përfshihet politika. Në CV nuk sqarohet as kur dhe sa vite ka punuar Spiropali si lektore, as çfarë lënde ka dhënë dhe as cilat janë këto universitete në Shqipëri.

Puna e parë që ka bërë Elisa Spiropali dhe për të cilën ne kemi informacione të sakta është drejtoreshë e Përgjithshme e Doganave. Duke mos u ndalur te performanca në krye të këtij institucioni të rëndësishëm, Spiropali qëndroi në atë detyrë nga tetori i 2013-ës deri në mars të 2015-ës.

Aktiviteti në media është listuar gjithashtu në CV si eksperiencë profesionale e ministres Spiropali.

CV-ja e plotë e Elisa Spiropalit:

Znj. Elisa Spiropali ka lindur në Tiranë, më 15 mars 1983. Ajo është e martuar dhe ka një vajzë, Naltën.

Në vitin 1999, në moshën 16-vjeçare, nxënëse në gjimnazin “Qemal Stafa”, znj. Spiropali fiton një bursë studimi nga UËC (United Ëorld Colleges) si një nga 5 gjimnazistet më të mira në Shqipëri dhe diplomohet në Lester B. Pearson College, Kanada. Rezultatet e larta i japin mundësinë të fitojë një bursë universitare në Mount Holyoke College, Massachusetts, SHBA, ku diplomohet në vitin 2005, me titull nderi në dy degë universitare; Politikë dhe Ekonomi, me specializim në Ekonomi Politike dhe Ekonomi Zhvillimi.

Znj. Spiropali përmes bursash merite ka udhëtuar dhe studiuar në vende si Argjentina (bursë merite Mount Holyoke), Britania e Madhe (Chevening/ OSI) dhe ka fituar një eksperience multikulturale, të cilën e çmon si të pazëvendësueshme. Ajo ka qenë lektore në disa universitete në Shqipëri, drejtuese në organizata rinore, aktive në shtyp, autore e librit me publicistikë “Maska ra”.

Znj. Spiropali është angazhuar në politikë në vitin 2009 dhe është aktualisht deputete dhe nënkryetare e Grupit Parlamentar Socialist, Sekretare për Aleancat dhe Bashkëqeverisjen, si dhe zëdhënëse e Kryesisë së Partisë Socialiste.

Znj. Spiropali më herët ka mbajtur detyrën e Drejtorit të Përgjithshëm të Doganave.

Kjo është ministrja e re e Shqipërisë që ka mbajtur poste drejtuese në Mozambik, Bolivi dhe Ekuador

CV-ja e Belinda Ballukut, e vetmja eksperiencë profesionale që përputhet me postin që i dha Rama 

Të fundit