Fjoralba Ponari dhe Olti Curri janë përfshirë në një sherr, të cilin e nisi ky i fundit. Një ironi e Oltit ditën e djeshme, kundrejt Fjoralbës, ka bërë që sherri të zgjasë dhe sot. Një sherr i zhvilluar vetëm në rrjete sociale.
Ndërkohë sherri ka agravuar sot ku Olti dhe Fjoralba i janë drejtuar njëri-tjetrit me tone të ashpra. Pas reagimit që bëri dje Fjoralba (për ta lexuar të plotë klikoni në këtë link), Olti shkruante:
“Unë kujtova se vajza ka bërë lapsus nga shpejtësia jo nga padituria. Bullizëm? As në google nuk di vallë të notojë se me librat kushedi kur është përballur për herë të fundit. Bullizëm është rasti i asaj vajzës së ndjerë që u nda nga jeta para pak ditësh prej dhunës dhe kërcënimeve, nuk është humori në Instagram. Kujdes me termat që hapin plagë, injoranca thotë italianët është bekim, por në këtë rast është mallkim.”
Më pas, ka qenë Fjoralba e cila ka reaguar menjëherë dhe ka dashur të mbyllë gjithë këto replika:
“Ty turp të të vijë që sjell raste tragjike si ai i së ndjerës në këtë mes për diçka që është mes teje dhe meje, flet dhe për plagë sociale pale. Ndërsa rasti i debatit ku unë kthehem në tabelë ofendimesh nga më të rëndomtat, ushqyer fillimisht nga “humori yt” si një njëri që ka influencë quhet bullizëm kibernetik. Të ftoj të hapësh literaturat që të kuptosh gjithëkuptimet e termit që i trembesh aq shumë, me këtë rast kupton kush është dhe i palexuari në këtë mes. Këtu mbyll çdo lloj replike me ty”.
Por mesa duket, Olti nuk ka mundur ta lërë Fjoralbën që të jetë ajo që e mbyll sherrin, ndaj reagon serish:
“Kjo akoma nuk e kupton çfarë pune bën! Apo bën sikur nuk e kupton? Dmth 100 spektaklet që merren me personazhet e ekranit duhet të mbyllen. Domethënë Ermal Mamaqi paska bulluar Erion Braçen dhe Flor Binaj ka bulluar Rudina Magjistarin, unë e di që kanë bërë humor. (Qesh). Kjo as nuk ngjan me Kim Jong që do vetëm lavdërime. Nuk i trembem termit bullizëm, i trembem pseudo viktimave që bëhen të neveritshëm për t’ju dhimbsur publikut vetëm që t’i japë të drejtë. Por dinjiteti është dhuratë e rallë, më shpejt ke mundësinë të fitosh llotarinë Amerikane. Vajza duhet të ndërrojë zanat (edhe pse prezantimin nuk e bëri kurrë zanatin e saj) meqë pretendon që njerëzit vetëm ta admirojnë. Ka profesione plot që mund të jetë vetëm në zyrë, vendos edhe një pasqyrë dhe adhuron veten në heshtje apo me zë të lartë”.
Discussion about this post