Flash News

Abuzoi me vajzën e tij të mitur, ky është 36-vjeçari i vënë në pranga në Fier

E rëndë në Fier! Babai abuzon se*sualisht me vajzën e tij të mitur

Pritet zbërthimi i telefonit të gjetur në burg, Laert Haxhiu rrezikon izolimin në ‘41 biss’

24 mijë fishekë nga Shqipëria në Kretë: Si u shkatërrua rrjeti kriminal nga policia greke?

Fuste dr*gë dhe sende të paligjshme në qeli, arrestohet polici i burgut të Drenovës

OPINEWS

82 mandate, një shpërblim për çfarë?

Politiko 13 Maj 2025, 18:36

82 mandate, një shpërblim për çfarë?

Nga Osman Stafa

Më 11 maj, Shqipëria shkoi në zgjedhje dhe ndodhi diçka që, për logjikën demokratike dhe ndjeshmërinë qytetare ndaj abuzimit, do të duhej të ishte e pamundur: Partia Socialiste e Edi Ramës, pas 12 vitesh pushtet, jo vetëm që nuk u ndëshkua, por fitoi më shumë mandate se kurrë – 82.
Në çdo vend normal, një qeveri që akuzohet për:
Korrupsion të përmasave sistematike,
Koncesione mafioze që thithin miliarda euro nga taksat e qytetarëve,
Inceneratorë që ekzistojnë vetëm në letra,
Rrëshqitje të sistemit shëndetësor drejt kolapsit,
Arsim të degraduar që i përzë të rinjtë nga vendi,
Dhe krim të organizuar që ka zaptuar bashki dhe institucione…
…duhet të përballej me një votë ndëshkuese. Me një reagim të qartë qytetar që thotë: “MJAFT!” Por kjo nuk ndodhi. Përkundrazi, shqiptarët, të paktën sipas rezultateve zyrtare, e shpërblyen këtë realitet me më shumë pushtet, për të njëjtët njerëz.
A nuk duhej të jepej një mesazh?
Për çfarë ndodhi në këto 12 vite, kjo qeveri duhej ndëshkuar me votë. Me një mesazh të fortë qytetar, që i thotë pushtetit: “Jo, nuk do ta lejojmë këtë më.” Sepse qeverisja nuk është dhuratë, është përgjegjësi. Dhe kur abuzohet, duhet të ketë pasoja.
Ky pushtet nuk është vetëm i konsumuar, është i korruptuar deri në palcë. Dhe përballë këtij realiteti, vota nuk duhej të ishte as shpërblim, as pranim, por REVOLTË.
Sepse nuk ka sens ligjik që të justifikojë se PS me figura të rëndësishme nën hetim e në burg si:
Erion Veliajn, Ilir Beqaj, Lefter Koka, Alqi Bllako, Jurgis Çyrbja, Safet Gjici, Vangjush Dako(arrest shtëpie) e dhjetra kryebashkiakë, e të fitojë kaq bindshëm.
Nëse korrupsioni, vjedhja, arroganca, marrin si përgjigje, miratimin dhe votë që të çojnë në 82 mandate, çfarë priten këto 4 vite? A nuk legjitimohet kështu korrupsioni dhe vjedhja?
Është e kuptueshme që shumë shqiptarë se votojnë më Sali Berishën, por kishte të tjerë. Agron Shehaj, Arlind Qori, Adriatik Lapaj, figura të reja, të pakorruptuara. Përse nuk u mbështetën? Pra alternativa kishte.
Dhe për inat të një figure që një shumicë nuk e voton më, mbajmë në pushtet një sistem të korruptuar e të pashpresë. Kjo nuk është zgjedhje, është dorëzim.
Sepse në këtë vend, ndoshta më shumë se sa kërkojmë ndryshim, kemi frikë prej tij. Ndoshta vuajmë nga Sindroma e Stokholmit. Dhe të më falni shumë për çfarë do them, por "Enver Hoxha, ndoshta s'ka pasur faj, për 45 vitet e diktaturës". Ndoshta ky popull kështu e do, ta shash, ta fyesh, ta tallësh, ta shkelësh, ta poshtërosh, ta vjedhësh etj.
A jemi të lodhur nga korrupsioni, apo jemi bërë pjesë e tij?
Nëse arroganca, vjedhja, dështimi dhe krimi nuk ndëshkohen me votë, atëherë problemi nuk është vetëm te ata që qeverisin, por edhe tek ata që i lejojnë e votojnë.
Në këto zgjedhje nuk mund të flasim për një fitore të pastër kur procesi shoqërohen nga:
Shitblerje e votës,
Presion ndaj administratës,
Përfshirje të grupeve kriminale,
Kapje të mediave.
Në çdo shoqëri demokratike, këto nuk janë zgjedhje, janë mashtrime të legjitimura.
E sa i takon kësaj, patjetër që opozita, PD, duhet të reformohet dhe të krijojë një lidership të ri, si të vetmen mundësi të mbetur, për t'u përballur me këtë sistem dhe për t'i bindur këta njerëz që të mos shesin më votën, të ndëshkojnë një qeveri 12 vjeçare tani, e 16-vjeçare pas 4 vitesh.

Të fundit