Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Paralajmërimi i SHBA për zyrtarët ‘non grata’, si i mbronte Rama Vangjush Dakon dhe Tom Doshin: Llafe kafenesh

Politiko 22 Tetor 2019, 13:04
Paralajmërimi i SHBA për zyrtarët ‘non grata’, si i

Sot, ambasada e Shteteve të Bashkuara të Amerikës publikoi një video me tre emrat e zyrtarëve të lartë të shpallur ‘non grata’ nga Departamenti i Shtetit, si persona të korruptuar dhe që nuk u lejohet kurrë vizë bashke me familjarët e tyre.

Ndërsa citoi se në Shqipëri janë gjithsej 14 raste të tilla, nga 100 në të gjithë botën, si shembull u renditën rastet e njohura tashmë për publikun si ish kryeprokurorin Adriatik Llalla, kreun e PSD, Tom Doshi dhe ish kreun e bashkisë Durrës, Vangjush Dako.

Ky ligj u vendos nga administrata amerikane për të luftuar korrupsionin dhe shkeljet e të drejtave të njeriut nga zyrtarët e lartë të huaj.

Vangjush Dako

Fillimisht u bë publik rasti i Llallës, më pas Tom Doshit, dhe më pas kryebashkiakut të PS, Dako.

Më herët, Zëri i Amerikës ka nxjerrë në pah, rastin e hetimeve të Prokurorisë për kryetarin e bashkisë së Durrësit Vangjush Dako, i cili rezulton të ketë mbajtur kontakte me anëtarët e një grupi të krimit të organizuar, i njohur si grupi i “Avdylajve” që dyshohet të jetë përfshirë në blerje votash në ndihmë të zotit Dako gjatë zgjedhjeve parlamentare të 2017-ës. .

Bisedat e përgjuara telefonike sipas dosjes së prokurorisë tregojnë gjithashtu një marrëdhënie të shtrirë në kohë mes Dakos dhe vëllezërve Avdyli, kontributi i të cilëve në zgjedhje duket se është shpërblyer me qasje pranë disa institucioneve kyçe në Durrës. Zoti Dako i ka mohuar akuzat.

Ndërkohë, në një nga seancat parlamentare kryeministri Rama i doli Dakos në krah, duke i cilësuar përgjimet si “llafe kafenesh”.

Megjithatë, në zgjedhjet e 30 qershorit nuk zgjodhi ta kandidojë më për kryetar bashkie dhe në vend të tij vendosi një grua, Valbona Sakon.

Nga ana tjetër, i ftuar në emisionin ‘Real Story’ në ‘News24’ kreu i ekzekutivit pati deklaruar se Dako ka bërë më shumë se kushdo tjetër për Durrësin.

I pyetur nëse Dako është një dru i shtrembër i PS, Rama u përgjigj: “Po pra, nuk është i dëshirueshëm në SHBA për arsye që i dinë ata. Unë se di. Unë di që Dako ka bërë për Durrësin më shumë sesa ka bërë njëri. Ai nuk është më kryetar. Ai është anëtar i PS. PS është familje e madhe, ka nga të gjitha rrugët e jetës. Fajin në këtë sistem e vendos gjykata. Aspektet morale që kanë të bëjnë me gënjeshtrën e vendos partia. Dhe i thotë gënjeshtarit; ti gënjeve dhe do përjashtohesh”, -tha Rama.

Tom Doshi

Edhe për rastin e Tom Doshit, Rama ka bërë një reagim të shkurtër po në ‘ Real Story’, në prill të 2018-ës.

Duke komentuar vendimin e DASH për të ndaluar hyrjen në SHBA të deputetit Tom Doshi, Rama tha se ishte surprizuar dhe i keqardhur.

“Me thënë të drejtën u surprizova dhe jam i keqardhur, s’kam çfarë them më shumë se s’kam as informacion për këtë, jam shumë i keqardhur por…”, tha Rama në emisionin.

Po ashtu, të njëjtën përgjigje dha edhe për Llallën.

“I keqardhur, të njëjtën gjë kam. Natyrisht nëse ndodh një gjë e tillë s’mund të të vijë mirë se ka qenë ish kryeprokuror i Republikë”, tha kryeministri.

Megjithatë, përpos komenteve publike, Rama pavarësisht vendimit të DASH ‘ka folur’ për Doshin duke e pozicionuar atë në mbledhje të rëndësishme të PS në Shkodër, apo duke dalë krah tij publikisht në qytetin verior.

Mund të kujtojmë mbledhjen e Këshillit Bashkiak këtë verë në Shkodër, ku i pranishëm ishte vetë Doshi, i cili pas takimit u prit me protesta, madje u qëllua edhe me shishe uji nga qytetarët.

Nga ana tjetër, urdhri i Ramës pas dorëheqjes së Valdrin Pjetrit për të dhënë dorëheqjet të gjithë drejtorët burra dhe zëvendësimi i tyre me gra, u cilësua nga Partia Demokratike e Shkodrës si një uzurpim i Shkodrës nga ana e Tom Doshit.

Sipas PD-së Edi Rama po vendos PS-në në Shkodër nën administrimin e Tom Doshit personit i shpallur “non grata” nga Shtetet e Bashkuara të Amerikës.

Zyrtarët e korruptuar kurrë vizë për SHBA, ambasada: Janë 14 raste nga Shqipëria, kush e ka radhën pas Llallës, Doshit dhe Dakos

 

Të fundit