Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Parlamenti ndryshon Kushtetutën pa marrëveshje dhe në kohë pandemie: Lista pjesërisht të hapura dhe koalicione me listë unike

Politiko 30 Korrik 2020, 13:02

Parlamenti ndryshon Kushtetutën pa marrëveshje dhe në kohë

E pazakontë, por parlamenti shqiptar miraton ndryshimet kushtetuese në kohë pandemie dhe pa marrëveshje me opozitën e bashkuar.

Kuvendi votoi ndryshimet kushtetuese me shumicë votash, 106 pro në seancën e fundit parlamentare të këtij sesioni dhe vetëm 10 deputetë dolën kundër nismës së ndërmarrë nga mazhoranca dhe opozita parlamentare, ndërsa gjashtë të tjerë munguan, 3 prej të cilëve për shkak se janë prekur me covid-19.

Kundër votuan: Artur Roshi, Fatjona Dhimitri, Erion Piciri, Elda Hoti, Kujtim Gjuzi, Gjetan Gjetani, Lefter Maliqi, Adriatik Alimadhi, Suzana Topi, Zef Shtjefni, ndërsa munguan Eljo Hysko, Ralf Gjoni dhe Enver Roshi pasi u prekën nga covid-19.

Kështu, ndonëse pa dakordësinë e opozitës së bashkuar, ndryshimet kushtetuese sanksionojnë hapjen e pjesshme të listave dhe formulën e re të koalicioneve me listë unike, pra draftin me amendimet kushtetuese, pjesë e marrëveshjes së PS me opozitën parlamentare të miratuar fillimisht nga Këshilli i Legjislacionit dhe Komisioni i Ligjeve.

Deputeti i PS, Alket Hyseni lexoi nominalisht të gjitha votat dhe emrat përkatës të deputetëve, ndërsa sot përfundoi shënoi edhe mbylljen e këtij sesioni parlamentar për t'u rikthyer sërish në 7 shtator.

Lexo reagimin e Bashës: Ndryshimet kushtetuese, Basha reagon krah aleatëve: Nuk janë të detyrueshme për opozitën, listat të hapura vetëm nga fundi

Rama injoron partnerët: Për sistemin zgjedhor vendosim vetë

Kryeministri Edi Rama iu është përgjigjur edhe partnerëve të SHBA e BE, të cilët kanë kërkuar proces gjithëpërfshirës dhe dialog për ndryshimet kushtetuese, që sot siç duket do të votohen pa marrëveshje me opozitën e bashkuar.

Rama iu përgjigj prerë edhe mesazhit të ambasadës së SHBA dje kur tha se ‘drejtuesit përkatës kanë deklaruar se çdo veprim i Parlamentit sot nuk i mbyll negociatat e nisura në Këshillin Politik rreth listave të hapura dhe koalicioneve. Ne do të shohim nëse drejtuesit do ta mbajnë fjalën e tyre’.

Sipas Ramës, i takon shtetit shqiptar në parlamentin e vet se çfarë bën me sistemin zgjedhore dhe se nuk është një zgjedhje që ketë detyrimin ta ndajnë me ambasadorët e SHBA e BE.

“Mesazh miqve dhe partnerëve nga një parlament sovran e një kryeministri që përfaqën një shtet sovran.

Çfarë thotë komisioni Venecias për sistemet zgjedhore: Shtetet kanë marzhë të gjerë vlerësimi në përzgjedhjen e sistemeve zgjedhore, pasi janë vendime politike. Nuk rekomandojnë ndonjë sistem të veçantë , nuk ka standarde ndërkombëtare për metodë specifike për shpërndarjen e mandateve,

Ky është standardi që ka vendosur union grupi i organizmave ndërkombëtar, OSBE, Këshilli Europës, Komisioni Venecias Gjykata e Strasburgut.

Miqtë ta dëgjojnë mirë se i takon shtetit shqiptar ne parlamentin e vet se cfarë bën me sistemin zgjedhore, nuk është një zgjedhje që kemi detyrimin ta ndajmë as me ambasadorët e SHBA e BE, e duke i respektuar maksimalisht e duke i konsideruar këtu zot në vendin e tyre.

U bënë 30 vjet e nuk mund të bëhen të mos i themi gjerat sic janë dhe nuk është përgjegjësia e ambasadorët të SHBA BE, që ne prej 30 vitesh kërkojmë në anglisht zgjidhjen e problemeve tona shqiptare.

Kur dëgjojmë Kim se thotë do ndjekim me vëmendje drejtuesit a e mbajnë a jo fjalën, nuk më vjen mirë sinqerisht, jo për veten time , por për të gjithë ne dhe ajo fjali është një arsye për cdo person këtu në vend, kur merr përsipër të përfaqësojë vendin e vete në këtë sallë të mos e bëjë qesharak popullin e vet, shtetin e vet sepse e kemi krijuar ne këtë trashëgimi të ulët e cila është vazhdim i një historie të gjatë moskuptimesh mes shqiptarëve që kanë çuar shqiptarët në situata të pajustifikueshme, e që nuk e lejuan të bëhet ai që Zoti krijoi duke i dhënë ato që i duhen. Sot kjo votë është votë me dinjitet është vendimmarrja jonë. Tërësisht e përputhur me standardet ndërkombëtare, për ta bërë vendin demokratik, me më shumë përgjegjësi”, u shpreh Rama.