Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Partia Demokratike për ‘ofertën’ e Metës: Dorëheqja nuk e zgjidh krizën politike dhe institucionale

Politiko 20 Mars 2019, 21:37
Partia Demokratike për ‘ofertën’ e Metës:

Sekretari i Përgjithshëm i PD-së, Gazmend Bardhi vlerëson dëshirën e presidentit Meta për të zgjidhur ngërçin politik në vend permes vete-sakrifikimit, por sqaron se një levisje e tille do t'a thellonte më shumë krizën.

“Unë e kam lexuar mesazhin e presidentit Meta si një kontribut për të zgjidhur krizën  politike e institucionale ku ndodhet vendi. Dorëheqje e presidentit Meta nuk e zgjidh krizën politike dhe institucionale, thjesht do ta thellonte atë edhe më tej”, sqaroi Bardhi në studion e lajmeve në ‘Ora News’.

Bardhi ka zbuluar edhe skenarin e protestës së nesërme para parlamentit, duke theksuar se protesta do të jetë e shtrirë në disa zona. Ndërkohë ai nuk konfirmoi pjesëmarrjen e Bashës për shkak të disa takimeve që kryedemokrati po zhvillon në Bruksel.

‘Nesër do të jetë një protestë para parlamentit. Do të jetë e shtrirë në disa zona rreth parlamentit për të kuptuar të gjithë që pa opozitën dhe kundër vullnetit të shumicës së shqiptarëve nuk mund të vihet situata në normalitet në Kuvendin e Shqipërisë. Ne sot nuk kemi një parlament funksional, sepse që një parlament të jetë funksional duhet të ketë mazhorancën dhe opozitën. Nëse ka vetëm mazhorancës  ai nuk është jo vetëm kushtetues, por nuk përfaqëson vullnetin e qytetarëve shqiptarë.  Basha do të bëjë të gjitha përpjekjet për të qenë në orën e caktuar përkrah qytetarëve, por kjo do të varet në varësi të takimeve”, përfundoi Bardhi.

Të fundit