Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas regjistrimit në shkelje të ligjit, Patozi nis fushatën kombëtare të anëtarësimeve në “Bindjen Demokratike”

Politiko 27 Prill 2019, 18:19
Pas regjistrimit në shkelje të ligjit, Patozi nis fushatën

Pas regjistrimit për të marrë pjesë në zgjedhjet e 30 qershorit, sipas kryetarit të KQZ Klement Zgurit në kundërshim me ligjin, Astrit Patozi ka nisur sot fushatën kombëtare të anëtarësimeve në “Bindjen Demokratike”.

Në një reagim në Facebook, Patozi u bën thirrje qytetarëve për t’iu bashkuar projektit të tyre.

Reagimi i Patozit:

KRIJO BINDJEN TËNDE, BESO BINDJEN TËNDE, VOTO BINDJEN TËNDE!

“Bindja Demokratike” u zyrtarizua sot si parti konkurrente në garën elektorale të 30 qershorit. Vendimi i marrë nga KQZ do të thotë se praktikisht ne jemi në fushatë, pasi zgjedhjet vendore janë pothujase në prag.

Duke falenderuar edhe një herë të gjithë ata që e bënë të mundur finalizimin e këtij projekti politik, që nga firmëtarët, e deri tek mbështetësit e parë të saj, ne angazhohemi solemnisht për një fushatë modeste, të vendosur dhe qytetare, por mbi të gjitha për një rezultat dinjitoz më 30 qershor.

Me këtë rast, ne ftojmë çdo qytetar të këtij vendi, që mendon se Shqipëria po qeveriset keq e mos më keq për shkak të një sistemi të kalbur politik për t’iu bashkuar projektit tonë.

“Bindja Demokratike” do të jetë shtëpia e lirisë, porta e hapur për çdo shqiptar që beson tek vlerat dhe tek fuqia e saj.

Ndaj ne pa humbur asnjë sekondë kohë shpallim sot fushatën kombëtare të anëtarësimeve në “Bindjen Demokratike”, e cila nuk do të pengojë përgatitjet tona për të shkuar në zgjedhje me kandidatë dhe lista këshilltarësh në të gjitha bashkitë e vendit.

Mirësevini tek BINDJA DEMOKRATIKE për të ndryshuar Shqipërinë!

Adresa: Rruga e Elbasanit, Ndërtesa 5, Hyrja 2/1, TIRANË

Të fundit